يا ربنا انا بحبك اوى
كل لما اغلط الاقيك جمبى
كل لما الاقينى قربت اكتسب صفة غلط او تفكيرى بدأ يحيد عن مسارة الصح بتخلى موقف يحصل لى او لغيرى علشان اتعلم وارجع تانى بسرعة
يا ترى فى حبيب فى الدنيا كدة
قريب اوى وغفور اوى كدة اكيد مفيش
وعلشان كدة محدش يستاهل انة يكون الحبيب الاول غيرك
اجمل لحظة لما تغلط وتروح بسرعة تسجد لله وتبكى بين ايديه
يااااة وتحس بصوت ربنا فى قلبك انك سامحك وانه بيضحكلك ايوة بيضحكلك وبيقولك انت عبدى وانا خلقتك كتير النسيان وكتير الاخطاء وانا الغفور الرحيم وتحس انه حطك فى الموقف دة علشان تسجد السجدة دى
يا رب انت جميل اوى يارب
واحنا يارب بنغلط كتير
يا رب كل لما نغلط رجعنا للطريق الصح تانى واغفرلينا وثبتنا عليه يا كريم يا رب العالمين
انا بحبك اوى اوى يا ربنا يا حبيبى يارب
يا رب اهدينى الصراط المستقيم وثبتنى عليه
وان شاء الله هاتغير وهابقى اقوى
والحمد والشكر ليك حمدا يليق بجلال وجهك وعظيم سلطانك يا رب
.jpg)
اللهم امييييين
ReplyDeleteكلامك جميل اوى وسبحان الله جه فى وقته تماما معايا
ربنا يرزقك الخير فى نفسك وتقدرى تتغيرى وترضى ربك
كل سنة وانتى طيبة :)
ان شاء الله نبقى على تواصل دايما
السلام عليكم
ReplyDeleteشكرا يا رضوى على تعليقك ودعوتك الجميلة دى وربنا يرزقنا بالخير حيث كان
وان شاء الله نفضل على تواصل :)