فانوس كرومبو

السلام عليكم

بابا جابلى فانوس

يا سلاااااام انا اتبسط جدا لانى من زمان مجاليش فانوس

وللاسف الفوانيس اتغيرت اوى والعولمة بدأت تظهر فيها بشكل واضح جدا طبعا دة من زمان وهو واضح بس السنة دى زيادة اوى

واظن اننا لاحظنا السنة اللى فاتت ازاى كان نازل فانوس صينى على شكل قريب من النص دايرة دة ومنة الوان احمر وبمبى وطبعا دة تراث صينى

ودلوقتى تلاقى فوانيس شكلها غريب عربية سندريلا و جمل و بطوط وبووة والاغرب فانوس كرمبو يعنى ما شاء الله الصين قايمة بالواجب ومحاوطانا وعارفة احتياجتنا اكتر مننا اصلا للاسف الشديد

وطبعا السوق غرقااااان صينى وبسعر معقول وجودة كويسة اشترى انا المصرى ليه

فين ايام الفانوس القديم بتاع زمان والاشكال الجميلة بتاعتة والفانوس ابو شمعة مرة والدى جابلى منة بس بيقولوا خطر

بس بجد كان ليه طعم تانى واحساس تانى دلوقتى بقا كل اللى يمت لشكل الفانوس القديم انة مجرد بينور وساعات بيغنى حاللو يا حاللو

واعتقد فى الايام الجاية وقريب اوى الصين هاتغير من مفهوم الشراء ومن مفاهيم كتير فى الجيل الى جاى لانهم اتربوا على البضاعة دى وعاشوا عليها واعتقد انها هاتفرض سيطرة فكرية نوعا ما بس مش هانحس بيها ابدا

زى موضوع الفانوس الصينى اللى على شكل نص دايرة دة تراث صينى وكل الناس اشترتة وعجبها اوى ممكن تطبق السياسة دى على حاجات كتير

وربنا يستر عليكى يا مصر والله انتى صعبانة عليا

*************************

عن اصل الفانوس

هناك العديد من القصص عن أصل الفانوس.

أحد هذه القصص أن الخليفة الفاطمى كان يخرج إلى الشوارع ليلة الرؤية ليستطلع هلال شهر رمضان، وكان الأطفال يخرجون معه ليضيئوا له الطريق. كان كل طفل يحمل فانوسه ويقوم الأطفال معاً بغناء بعض الأغانى الجميلة تعبيراً عن سعادتهم باستقبال شهر رمضان.

هناك قصة أخرى عن أحد الخلفاء الفاطميين أنه أراد أن يضئ شوارع القاهرة طوال ليالى شهر رمضان، فأمر كل شيوخ المساجد بتعليق فوانيس يتم إضاءتها عن طريق شموع توضع بداخلها.

وتروى قصة ثالثة أنه خلال العصر الفاطمى، لم يكن يُسمح للنساء بترك بيوتهن إلا فى شهر رمضان وكان يسبقهن غلام يحمل فانوساً لتنبيه الرجال بوجود سيدة فى الطريق لكى يبتعدوا. بهذا الشكل كانت النساء تستمتعن بالخروج وفى نفس الوقت لا يراهن الرجال. وبعد أن أصبح للسيدات حرية الخروج فى أى وقت، ظل الناس متمسكين بتقليد الفانوس حيث يحمل الأطفال الفوانيس ويمشون فى الشوارع ويغنون.

وهناك قصة أخرى تقول أن الفانوس تقليد قبطى مرتبط بوقت الكريسماس حيث كان الناس يستخدمونه ويستخدمون الشموع الملونة فى الاحتفال بالكريسماس.

يلا خييييييير خير خير