والله وكبرتى يا توتاااا

انا مبسوطة اوى النهاردة

اول مرة احس ان عندى اخت من سنى اخرج معاها واتكلم معاها ولما اكون عاوزة اروح فى مكان اخدها معايا

اول يوم اخرج مع اختى لواحدنا واحس ان اختى خلاص كبرت مبقتش ايه اللى فى تانية ابتدائى اللى بتتعبنى لما تخرج معايا

والله وكبرتى يا توتا

وطبعا اختكوا مش هاتنسى تعطيهاا كل نصايح ماما وانا خارجة معاها

متمشيش بسرعة اوى -وحطى عينيكى فى الارض- متاكليش لبانة- متهزيش ايديكى وانتى ماشية

نصايح شبعت منها وقررت ازهق اختى هى كمان هههههههه

بس فعلا انا سعيدة ونفسى انا واختى نكون اصدقاء مش بس اخوات بالرغم من فرق السن بينا

20

20 سنة

والله مش مصدقة انى خلاص هاتم عشريييييين سنة

وامبارح قعدت مع نفسى افكر انا عملت ايه فى العشرين سنة من عمرى دول

ياترى نمت كام سنة منهم

اعتقدت انى نمت فيما يقرب من8.5 سنين من عمرى

واتفرجت على التلفزيون حوالى 4 سنين

وقعدت على النت فيما يقرب من 2 سنة

وصليت وقرأت قران ميكملش 1.5 !!!!!!!!

يبقى كدة وصلنا ل كام سنة 8.5+4+3+2+1.5=20

والباقى اكيد ذاكرت وقرأت وقضيت بقية انشطة حياتى فيه

بس اللى لفت نظرى قد ايه قعدت قدام التلفزيون والنت وقد ايه صليت وقرأت قران

وقد ايه الانسان لما يقعد بال 5 او 6 ساعات يوميا على الكمبيوتر او يتفرج على التلفزيون مش بيزهق

وقد ايه لما الانسان يقعد بس ساعتين يقرأ قران او يصلى بيبقوا طوال عليه ( الا من رحم ربى ) وبصراحة حسيت بعد لما فكرت انى مقصرة اوى

وانى بعطى لحاجات هامشية جدا الاولوية فى حياتى بمعنى ان استفادتى من ال سنتين كمبيوتر دول وال4 سنين تليفزيون قد ايه فى حياتى

يمكن استفدت 30% او اقل من كدة كمان

وقررت فعلا اقلل من التلفزيون والكمبيوتر

وفى الاخر انا اصلا مش مصدقة انى هايبقى عندى 20 سنة لان لسه تصرفاتى وبعض افكارى طفولية جدا وبصراحة مش عايزة اغير الطبع دة فيا ابدا ان شاء الله

وخصوصا القلب لما يكون زى قلب الاطفال بيبقى اجمل حاجة ونفسى لما اجى اموت يكون قلبى ابيض ولسه زى الاطفال مش شايل من اى حد اى حاجة

وكل سنة وانا طيبة :)

كتاب ورقى

بصراحة

مهما كان ومهما تطورت الكتب الالكترونية وسهولة الحصول عليها

يظل للكتاب الورقى مكانة خاصة فريدة

فى شكلة الجميل فى رائحتة اللميزة

وذكرياتة معنا

فكم شخبطنا فى الكتب وكم تذكرنا كتب بهذة الشخابيط والالوان والملاحظات الجميلة التى نكتبها فى الهوامش

وكم الهمتنا هذة الهوامش افكار جديدة وجميلة

انا احب كتبى الورقية جدا

اطار

الاطار

من صنعك حولى؟

ومن الزمنى بك ؟

هل هى سلوكياتى ,افعالى , اقوالى ؟

ولماذا لم اعد اقدر ان اغادرك ؟ وان غادرتك كان شيئا فظيعا والما نفسيا شديدا؟

انا لا انكر انى احب هذا الاطار؟ ولا انكر اننى فى بعض الاحيان اتمرد عليه ؟

لا انكر انة كان حاميا لى فى بعض المواقف التى احيد فيها عن الحق فاعود سريعا

ولا انكر ايضا انى اوقات ابغضة عندما اريد ان افعل شيئا فى نفسى.... شيئا عاديا ولكن من وضعوا هذا الاطار حولك يروة شيئا صعبا كبيرا

هل انا من صنعتة حولى دون ان ادرى ؟ ولماذا كل هذا الالم عندما اخرج منة ؟

لا ادرى

ولكن فى النهاية ورغم صعوبة هذا الاطار وصعوبة الالتزام به

فانا اقدر هذا الاطار

واقدر انه تلقائى ولا شعورى

وسوف اظل احافظ عليه

ورغم التمرد عليه فى بعض الاوقات ولكن يظل الصواب صوابا والخطأ خطأ