خايفة اوى

يارب انا خايفة من عذابك يارب اغفرلى وتوب عليا وارزقنى خشيتك فى السر وفى العلانية يارب وانت توفتنى ليك فارحمنى ولا تسألنى عن ذنوبى فانك انت الرحيم يا الله

عمرى ما حسيت بالشعور دة للدرجة دى بس حقيقى اول مرة اكون خايفة اوى اموت واقف بين ايدين ربنا مع انى الحمد لله فى الفترة الاخيرة كويسة مع ربنا بس حقيقى خايفة يارب ومليش غيرك ادعية

يارب خرجنى من الدنيا دى على خير واغفرلى ودخلنى الجنة بدون حساب يا الله

مليش غيرك يا رحيم 

كلمة حلوة وابتسامة

حاجتين فى غاية البساطة بس تأثيرهم زى السحر وجميل جدااااااا

وياسلام لما تلاقى حد ويقابلك بوجه بشوش ويسلم عليك بصدق ويقول كلمتين حلوين مش نفاق او رياء بس لما يكون فى قلبة كلام حلو ليك يقوم يقولة على طول وميتكسفش

لو لابس حاجة حلوة او عملت شغل كويس اقوم ارفع من معناوياتك حتى لو اللى لابسة مش حلو اوى لكن الكلام الحلو بيرفع معناويات الانسان وبيقربنا من بعض

 وبجد الحاجتين دول ليهم تأثير زى السحر على قلوب الناس

وزى ما قال رسولنا الكريم علية الصلاة والسلام (تبسمك فى وجه اخيك صدقة) سبحان الله اللى عمل الابتسامة صدقة وممكن ترفع الانسان فى الجنة علشان يشجعنا عليها

انا بحب الابتسامة وبحب الناس البشوشين حتى ولو كانت ظروفهم وحشة( ان امر المؤمن كلة لخير ان اصابتة سراء شكر فكان خير لة وان اصابتة ضراء صبر فكان خير لة) يعنى مفيش حاجة فى الدنيا تستاهل منك انك تكشر وتحزن لان العمر كلة هايعدى بحلوة ومرة كل اللى هاتعملة او هتاخدة ربنا كاتبهولك قبل لما حتى تفكر فية

واضحك للدنيا تضحكلك

الثانوية العامة واحلى ايام فى حياتى

السلام عليكم

يااااااااة الثانوية وايامها 

كانت احلى ايام فى حياتى بجد

كانت ليا اهداف كبيرة جداااا وكنت راسمة فى دماغى الطريق للوصول ليها وكان على قمة الاهداف دى رضا ربنا وبجد ربنا كان معايا وكرمنى جداااا الحمد لله

كانت عنيا مليانة حماس وارادة وكانت حتى طريقة كلامى ومشيتى وحتى وانا ماسكة القلم  كانت فيها حماسة واصرار على تحقيق الهدف كانوا زميلاتى مسمينى الدكتورة دينا لانى كان فعلا شكلى كدة مع انى مكنش دحيحة ولا حاجة بالعكس يعنى انا عموما بحب الهزار والضحك اكتر من اى حد بس لما يكون عندك هدف لازم تعدل بين الجد والهزار علشان تقدر تحققة

كانت المزاكرة بالنسبة ليا متعة كبيرة جداااا لانى كنت ببقى مع ربنا فيها وبحس انى بتعب علشان اعمل حاجة ليه وياما كلمتة ودعيتة انة يكون معايا ويوفقنى ويا سلام لما كنت ادخل اوضتى واقفل عليا الباب كنت بروح فى عالم تانى خااااااالص

 

كنت بروح الدروس بعد المدرسة وبعدين ارجع انام لحد الساعة 12 وبعدين اسهر للفجر

وكانت تقريبا كل مزاكرتى بالليل كنت دايما ابدأ بقرأة القران والحمد لله ختمتة وانا فى الثانوية بجد قرأة القران بتبقى افضل شئ فى بداية كل حاجة بنعملها

وياسلاااام كنت اشغل اذاعة القران الكريم جمبى كنت حافظة كل برمجها ومظبطة مواعيد المزاكرة عليها وكنت بميل للوحدة ايام الثانوية يعنى انا من طبعى لما بكون لواحدى بكون فى افضل حالاتى بقدر ازاكر وانجز اكتر

كنت مقسمة المناهج على جداول من اول السنة بحيث انى اخلص المادة من بدرى وارجعها اكتر من مرة 

انا فاكرة فى مادة الفرنساوى راجعتها اكتر من 5 مرات لواحدى من غير الدرس كمان

والكتب الخارجية كنت بحبها موووووووت الاضواء ولامى والمعاصر وجيم 

وكنت بمووووت فى مادة الرياضيات كنت لما ابقى زهقانة ومليش نفس ازاكر احل مسائل رياضة

وسبحان الله مع انى بحب الرياضة جداااااا وشاطرة فيها اكتر من اى مادة بس مدخلتش عملى رياضة لانى مكنش نفسى ابقى مهندسة كنت حساها مهنة للرجال فقط ومش ندمانة على دة دلوقتى  

كان عندى كمية كتب غريبة يعنى انا فاكرة انة المكتب مكنش بيقضى الكتب دى خالص مع انة كبييييييير وكنت بحطها تحت السرير ولما احتاج كتاب انزل بقا تحت الانقاض ههههههههه كانت بجد احلى ايااااام فى حياتى

والحمد لله ربنا فعلا كرمنى وجب95.6 انا كان نفسى اوى ادخل كلية العلاج الطبيعى  والله مكنش نفسى ادخلها علشان يقولوا الدكتورة دينا بس انا كان نفسى اوى اعالج الناس واعمل العلاج بتمن رخيص واخفف الالام الناس

 

بس مجموعى مجبهاش تقريبا بفرق درجتين بس  وزعلت فترة كدة بس لما دخلت كليتى (الفنون التطبيقية) حبيتها جداااا وحسيت ان الكلية دى فاتحة علشانى  يعنى انا فعلا مكنتش اقدر ابقى دكتورة باى حال من الاحوال لانى خوافة جداااا ومقدرش اعمل شغل الدكاترة دة خاااالص

كانت دعوتى دايما يارب وفقنى لما تحب وترضى

وفعلا ربنا وفقنى يعنى كمان كليتى هنا مش بسافر علشانها وكمان اقسامها تحفة بجد وانا دخلت قسم (تصميم داخلى واثاث) اللى هو ديكور 

وبجد لاقية نفسى فية الحمد لله وحاسة انة مكنش ينفع ادخل اى كلية تانية غيرها لانى بطبيعتى بحب اى شئ جميل وبقدرة واحب احافظ علية وبحب الحاجة الغريبة وعلشان كدة الحمد لله انا بشتغل كويس فى الكلية وكمان فرص العمل فى المجال دة عندنا جميل جدااااا وحسيت انة فعلا متماشى مع احلامى وطموحاتى

والحمد لله انا سعيدة جدا وحاسة انه ربنا اختارلى الطريق اللى امشى فية واللى شايفة انة متماشى تماما مع طموحاتى وان شاء الله هاحققها 

وهاتفضل فترة الثانوية العامة افضل مراحل حياتى 

يارب

نفسى ازور الكعبة جدا يارب اكتبلى زيارتها والشهادة فى سبيلك يا الله

جريدة الاهرام من سئ الى اسواء

جريدة الاهرام من سئ الى اسواء 

جريدة الاهرام العدد الاسبوعى اصبح سئ بشكل لا يصدقة عقل ويمكنك قرأة محتوى الجريدة كلة فى اقل من 10 دقائق

ثلاث ارباع  الجريدة اعلانات بمساحات واسعة جدا جدا

فقط ما يجعلنا نشتريها هو بريد الجمعة الاسبوعى الذى اعتدت عليه منذ ان تعلمت كيف اقرأ وايضا هوامش حرة للاستاذ الكبير فاروق جويدة  

لكن حقيقة الوضع لم يعد يحتمل مثل هذا فالتحقيقات ايضا سيئة للغاية ولا تجذب ابدا اى قارئ عادى كما فى اخبار اليوم يوجد تحقيقات اكثر جرأة وبصور ملونة وطبعا الصور هى اساس الحدث 

و يوم السبت نشترى جريدة اخبار اليوم العدد الاسبوعى ايضا

من الممكن ان اقرأ فى هذة الجريدة طيلة الاسبوع هناك تحقيقات ومحققين من الخارج فى كل المجالات  واعتقد انة ما احصل عليه من معلومات من هذة الجريدة اضعاف مضعفة ما نحصل عليه من الاهرام

واتمنى للجريدة ان يتحسن مستواها اكثر من ذلك 

ما يلفظ من قول الا لدية رقيب عديد

 ما يلفظ من قول الا لدية رقيب عديد

ياترى كام كلمة قلتها من ساعة لما اتعلمت اتكلم ؟

كام كلمة منهم راضى عنها ربنا؟

كام كلمة غضب منى ربنا فيها؟

ياترى يا ترى ياترى

لو الواحد قعد يفكر ويعد هايخاف اوى اوى وحايقعد يعد الكلام على نفسة وهايفضل السكوت

دى تذكرة لنفسى انى اعقل الكلام قبل لما اقولة وافكر فية واقلل من كلامى واخد بالى لان الحكاية مش سهلة والعذاب كبير

في حديث أبي هريرة نحو ذلك ، ثم قال أبو هريرة : تكلم بكلمة أوبقت دنياه وآخرته .

وفي الصحيحين من حديث أبي هريرة عن النبي r : (( إن العبد ليتكلم بالكلمة من رضوان الله لا يلقي لها بالاً يرفعه الله بها درجات ، وإن العبد ليتكلم بالكلمة من سخط الله لا يلقي لها بالاً ، يهوي بها في نار جهنم )) وعند مسلم : (( إن العبد ليتكلم بالكلمة ما يتبين ما فيها يزل بها في النار أبعد ما بين المشرق والمغرب )) 

وفي حديث أنس المرفوع: (( لا يستقيم إيمان عبد حتى يستقيم قلبه ، ولا يستقيم قلبه حتى يستقيم لسانه )

قال يحيى بن معاذ : (( القلوب كالقدور تغلي بما فيها ، وألسنتها مغارفها ))

وفي الصحيحين من حديث أبي هريرة يرفعه : (( من كان يؤمن بالله واليوم الآخر فليقل خيراً أو ليصمت )) 

وعن أُم حبيبة زوج النبي r عن النبي r قال : (( كل كلام ابن آدم عليه لا له ، إلا أمراً بمعروف ، أو نهياً عن منكر ، أو ذكر الله عز وجل )) قال الترمذي : حديث حسن .

في حديث آخر : (( إذا أصبح العبد فإن الأعضاء كلها تكفر اللسان ، تقول : اتقِّ الله فينا فإنَّما نحن بك ، فإذا استقمت استقمنا ، وإن اعوججت اعوججنا )) . 

من خشى الرحمن بالغيب وجاء بقلب منيب

حقيقى مفيش اجمل من الحب فى الله ورد الاساءة بالحسنة والقدرة على المسامحة من القلب ونسيان اخطاء الغير لان فى قلب كل انسان غرفة مليانة نور مش بتتفتح الا فى اوقات معينة وفى ناس يمكن بتحبك بس مش قادرة تعبر عن دة ناس كتير اوى بتفقد القدرة على التعبير عن مشاعرها يمكن بتتكسف من اظهار المشاعر او انها متلاقيش رد فعل جميل للكلام الحلو تقوم تندم على مشاعرها اللى وضحتها

يارب هب لى قلب ملئ بحبك وحب الناس يا الله والقدرة على نسيان اخطائهم ورد الاساءة بالحسنة

يارب حبب فيا خلقك وحببهم ليا يارب

يارب واغفرلى ان كنت نسيت او اخطأت 

يارب انا ضعيفة يارب ونقى قلبى من النفاق والرياء يا رحمن وتوب علينا واهدينا

يارب اجعلنى ممن يخشى الرحمن بالغيب وجاء بقلب منيب

يارب اجعلنى شمعة انور للاخرين 

واهدينا وابعد عنا الشيطان يا رحيم 

واغفرلى ان كنت زعلت او غلطت فى حق حد

بحبك يا ربى  

اختفاء الحياء

اختفاء الحياء

ظاهرة انتشرت بطريقة غريبة وهى اختفاء الحياء

يعنى بقى نادر لما تلاقى بنت خجولة او ولد عنده حياء كدة نادر جداااااا

دلوقتى انا لسه راجعة من الكلية ايه المناااااااااظر دى طبعا الكلام دة كل يوم مش النهاردة بس تلاقى الولد بيضرب البنت عااااااادى وبيجروا ورا بعض وبيلعبوا كورة عااااادى جدا ومحدش يقولى اصلها اتعودت على كدة لما كانت صغيرة فى مدرسة مختلطة انا كنت فى مدرسة لغات ومختلطة اكتر من اى مدرسة تانية بس الحياء حياء والتربية لو كانت صح هاتتغلب على التحديات اللى برة البيت وكمان اللبس يعنى اعتقد اى واحدة لابسة حاجة من اللى على الموضة الغريبة دى دلوقتى معندهاش ذرة حياء قعدت افكر كدة اية السبب؟؟؟؟؟؟؟

طبعا الدش والفيديو كليب والنت اهم الاسباب 

بس برضة التربية والام هى الاساس

يعنى والدتى كان عندها مبدأ من وانا صغيرة خالص  يعنى 3 ابتدائى ولا حاجة انى ملبسش اى حاجة قصيرة او ضيقة وكانت زميلات ماما يقعدوا يقولولها دى لسه صغيرة سيبيها تعيش حياتها كانت دايما تقولهم لازم تتعود على كدة علشان يبقى عندها حياء لما تكبر

لكن دلوقتى تلاقى الام مبسوووووطة ان بنتها وهى صغيرة عسولة ولابسة على الموضة ويا سلاااااام لو ترقص فى فرح والناس تتلم عليها تصورها تبقى مبسوطة اكتر

انا على فكرة مش قصدى نخنق البنات بالعكس بس لازم تحس الاحساس دة من وهى صغيرة علشان يكبر معاها

احنا على فكرة عائلة وسطية خالص ومش متشددين نهائيا بس الاصول اصول والتربية مفيهاش هزار والحياء شعبة من شعب الايمان

من كام يوم كنت بشترى حاجة من السوق وكان فى شاب واقف بيبيع انا بجد اتأثرت جدا بية واحترمتة وحسيت ان الدنيا لسه بخير يعنى هو كان بيطبق مبدأ النظرة الاولى لك والثانية عليك ماشاء الله حاجة كدة تفرح انها موجودة فى الدنيا لسه مش زى دلوقتى تبقى البنت منقبة وماشية بتتعاكس

وعلشان كدة بقول للام خدى بالك من بنتك لان اى غلطة او تقصير فى التربية من الصغر بتكون عواقبة سيئة للغاية فى الكبر

وربنا يهدى شباب وبنات المسلمين اجمعين ويرزقهم الحياء والايمان   

happy birth day to you ARWA

كل سنة وانتى طيبة يا اروى

اروى صديقتى وصحبتى 

مع ان كان ما بينا خلاف فى وجهات النظر وكان خلاف حاد شوية بس انا مقدرش اشيل منها لانى فعلا بحبها فى الله وبحب كل صديقاتى وكل الناس والله 

ومبسوطة انى عملتلها عيد ميلاد على الضيق كدة ومبسوطة اكتر لانها مبسوطة

وفى الاخر ربنا يكرمها يارب ويوفقها ويهدينا لبعض

و happy birth day to you   ARWA 

الامام ابو حنيفة.....وقصة اعجبتنى

يحكى انه في القرن الاول الهجري كان هناك شابا تقياً

        

يطلب العلم ومتفرغ له ولكنه كان فقيرا وفي يوم من الايام خرج من بيته من شدة الجوع 

ولانه لم يجد ما يأكله فانتهى به الطريق الى احد البساتين والتي كانت مملؤة باشجار التفاح 

وكان احد اغصان شجرة منها متدليا في الطريق ... فحدثته نفسه ان ياكل هذه التفاحة 

ويسد بها رمقه ولا احد يراه ولن ينقص هذا البستنا بسبب تفاحة واحده ... 

فقطف تفاحة واحدة وجلس ياكلها حتى ذهب جوعه ولما رجع الى بيته بدات نفسه تلومه 

وهذا هو حال المؤمن دائما جلس يفكر ويقول كيف اكلت هذه التفاحة وهي مال لمسلم ولم استأذن منه

ولم استسمحه فذهب يبحث عن صاحب البستان حتى وجده فقال له الشاب يا عم بالامس بلغ بي الجوع مبلغا عظيماً 

واكلت تفاحة من بستانك من دون علمك وهئنذا اليوم أستأذنك فيها 

فقال له صاحب البستان .. والله لا أسامحك بل انا خصيمك يوم القيامة عند الله!!! 

بدأ الشاب المؤمن يبكي ويتوسل اليه أن يسامحه وقال له انا مستعد ان اعمل اي شي بشرط ان تسامحني 

وتحللني وبدا يتوسل الى صاحب البستان وصاحب البستان لا يزداد الا اصرارا وذهب وتركه 

والشاب يلحقه ويتوسل اليه حتى دخل بيته وبقي الشاب عند البيت ينتظر خروجه الى صلاة العصر... 

فلما خرج صاحب البستان وجد الشاب لا زال واقفا ودموعه التي تحدرت على لحيته فزادت وجهه نورا 

غير نور الطاعة والعلم فقال الشاب لصاحب البستان يا عم انني مستعد للعمل فلاحا في هذا البستان 

من دون اجر باقي عمري او اي امر تريد ولكن بشرط ان تسامحني 

عندها... 

اطرق صاحب البستان يفكر ثم قال يا بني انني مستعد ان اسامحك الان لكن بشرط 

فرح الشاب وتهلل وجهه بالفرح وقال اشترط ما بدى لك ياعم 

فقال صاحب البستان شرطي هو ان تتزوج ابنتي !!!ا 

صدم الشاب من هذا الجواب وذهل ولم يستوعب بعد هذا الشرط ثم اكمل صاحب البستان قوله ... 

ولكن يا بني اعلم اني ابنتي عمياء وصماء وبكماء وايضا مقعدة لا تمشي ومنذ زمن 

وانا ابحث لها عن زوج استأمنه عليها ويقبل بها بجميع مواصفاتها التي ذكرتها 

فإن وافقت عليها سامحتك 

صدم الشاب مرة اخرى بهذه المصيبة الثانية 

وبدأ يفكر كيف يعيش مع هذه العلة خصوصا انه لازال في مقتبل العمر؟ 

وكيف تقوم بشؤنه وترعى بيته وتهتم به وهي بهذه العاهات ؟ 

بدأيحسبها ويقول اصبر عليها في الدنيا ولكن انجو من ورطة التفاحة !!!! (سبحان الله شوفوا بعد النظر) 

ثم توجه الى صاحب البستان وقال له يا عم لقد قبلت ابنتك واسال الله ان يجازيني على نيتي 

وان يعوضني خيرا مما اصابني (الله أكبر) 

فقال صاحب البستان .... حسناا يا بني موعدك الخميس القادم عندي في البيت لوليمة زواجك وانا اتكفل لك بمهرها 

فلما كان يوم الخميس جاء هذا الشاب متثاقل الخطى... حزين الفؤاد... منكسر الخاطر... 

ليس كأي زوج ذاهب الى يوم عرسه فلما طرق الباب فتح له ابوها وادخله البيت 

وبعد ان تجاذبا اطراف الحديث قال له يا بني... تفضل يالدخول على زوجتك وبارك الله لكما وعليكما 

وجمع بينكما على خير واخذه بيده وذهب به الى الغرفة التي تجلس فيها ابنته فلما فتح الباب ورآها .... 

فاذا فتاة بيضاء اجمل من القمر قد انسدل شعركالحرير على كتفيهافقامت ومشت اليه 

فاذا هي ممشوقة القوام وسلمت عليه وقالت السلام عليك يا زوجي .... 

اما صاحبنا فهو قد وقف في مكانه يتأملها وكأنه امام حورية من حوريات الجنة 

نزلت الى الارض وهو لا يصدق ما يرى ولا يعلم مالذي حدث ولماذا قال ابوها ذلك الكلام ... 

ففهمت ما يدور في باله فذهبت اليه وصافحته وقبلت يده وقالت انني عمياء من النظر الى الحرام 

وبكماء من النظر الى الحرام وصماء من الاستماع الى الحرام ولا تخطو رجلاي خطوة الى الحرام .... 

وانني وحيدة ابي ومنذعدة سنوات وابي يبحث لي عن زوج صالح فلما اتيته تستاذنه في تفاحة 

وتبكي من اجلها قال ابي ان من يخاف من اكل تفاحة لا تحل له حريّ به ان يخاف الله في ابنتي 

فهنيئا لي بك زوجا وهنيئا لابي بنسبك 

وبعد عام انجبت هذا الفتاة من هذا الشاب غلاما كان من القلائل الذين مروا على هذه الأمة 

ااتدرون من ذلك الغلام 

. 

. 

. 

انه الامام ابو حنيفة صاحب المذهب الفقهي المشهور 

نسال الله ان يزقنا واياكم مثل تلك االتفاحة!!!!!! 

قولوا آميييييييييييييين

من اكتر القصص التى نالت اعجابى ففيها يتجلى رحمة الله بعبدة وتمسكة بة وانة عندما يكون صادق النية معة فانة لا يتركة ابدا بل يعطية مالم يكن يتوقع 

)ومن يتقى الله يجعل لة مخرجا ويرزقة من حيث لا يحتسب(

يارب اجعلنا نخشاك كانا نراك 

الوزراء الثلاثة ........قصة عجبتنى

في يوم من الأيام إستدعى الملك وزرائه الثلاثة

وطلب من كل وزير أن يأخذ كيس ويذهب إلى بستان القصر ويملئ هذا الكيس له من مختلف طيبات الثمار والزروع

وطلب منهم أن لا يستعينوا بأحد في هذه المهمة 

إستغرب الوزراء من طلب الملك و أخذ كل واحد منهم كيسه وأنطلق إلى البستان

**************

الوزير الأول حرص على أن يرضي الملك فجمع من كل الثمرات من أفضل وأجود المحصول وكان يتخير الطيب والجيد من الثمار حتى ملئ الكيس 

أما الوزير الثاني فقد كان مقتنع بأن الملك لا يريد الثمار ولا يحتاجها لنفسه وأنه لن يتفحص الثمار فقام بجمع الثمار بكسل و إهمال فلم يتحرى الطيب من الفاسد حتى ملئ الكيس بالثمار كيف ما اتفق

أما الوزير الثالث فلم يعتقد أن الملك سوف يهتم بمحتوى الكيس اصلاً فملئ الكيس باالحشائش والأعشاب وأوراق الأشجار

********

وفي اليوم التالي أمر الملك أن يؤتى بالوزراء الثلاثة مع الأكياس التي جمعوها 

فلما اجتمع الوزراء بالملك أمر الملك الجنود بأن يأخذوا الوزراء الثلاثة ويسجنوهم كل واحد منهم على حدة مع الكيس الذي معه لمدة ثلاثة أشهرفي سجن بعيد لا يصل إليهم فيه أحد كان, وأن يمنع عنهم الأكل والشراب 

فالوزير الأول بقي يأكل من طيبات الثمار التي جمعها حتى أنقضت الأشهر الثلاثة 

أما الوزير الثاني فقد عاش الشهور الثلاثة في ضيق وقلة حيلة معتمدا على ماصلح فقط من الثمار التي جمعها 

وأما الوزير الثالث فقد مات جوع قبل أن ينقضي الشهر الأول 

*** 

.

.

.

.

وهكذا اسأل نفسك من أي نوع أنت ؟ 

.

. 

.

فأنت الآن في بستان الدنيا 

.

.

.

.

ولك حرية أن تجمع من الأعمال الطيبة أو الأعمال الخبيثة ولكن غداً عندما يأمر ملك الملوك أن تسجن في قبرك في ذلك السجن الضيق المظلم لوحدك 

. 

.

.

ماذا تعتقد سوف ينفعك غير طيبات الأعمال التي جمعتها في حياتك الدنيا ؟ 

؟!

!؟

!؟!

اجمل هدية

اجمل واغلى هدية فى نظرى

 مش محتاجة وقت معين تتجاب فية ولا محتاجة كلام يتقال معاها 

الدنيا مش وردية

السلام عليكم

الحياة مش وردية

 

دى الحكمة اللى اتعلمتها لسه من قريب اوى يمكن لحد لما كنت فى اعدادى كلية وانا كنت مفكرة ان الحياة جميلة والناس كلها بتحب بعضها ومفيش حد وحش خالص ومحدش بيضحك على التانى و ممكن لو حد ضحك او كذب عليا اقول مكنش قصدة اكييد

لكن فعلا الحياة مش كدة خالص ومفيش مجال للناس اللى بيفكروا بالطريقة دى انهم يعيشوا ويتأقلموا مع الواقع

وساعات بحس انى كنت عبيطة علشان كنت بفكر كدة وللاسف يمكن انا عرفت الحقيقة دى بعد لما اتصدمت كتير جدااااا ومن صديقات قريبين جدااا منى

بس للاسف انا لما بشوف انسان سئ ببقى مش مصدقة مع انى عارفة انة سئ لكن  مش مقتنعة ان فى ناس قلبها كدة

بس فعلا الحياة مش وردية  خالص وفى الحياة دى العطاء من غير حدود مضر جدا لازم زى ما هاتعطى زى ما هتاخد

وربنا يهدينا الطريق المستقيم ويرزقنا الهدايا والصلاح وحب الناس      

وطني لو شغلت بالخلد عنه نازعتني إليه في الخلد نفسي

اختلاف النهاروالليل ينسي  اذكرا لي الصبا وأيام أنسي 

وصفا لي ملاوة من شبـــــاب  صورت من تــــــصورات ومس 

 عصفت كالصبا اللعوب ومرت سنة حلوة ولـــــــذة خلس 

 وسلا مصر، هل سلا القلب عنها أو أسا جرحه الزمان المؤسي 

 كلما مرت الليالي عليـــه رق، والعهد في الليالي تقسي 

  مستطار إذا البواخر رنت أول الليل، أو عوت بعد جرس 

 راهب في الضلوع للسفن فطن كلما ثرن شاعــهن بنقـــس 

 يا ابنة اليم ما أبوك بخيل مـــا له مولعاً بمنع وحبس؟ 

 أحرام على بلابله الدوح حلال للـــطير من كل جنس؟ 

 كل دار أحق بالأهل إلا في خــبيث من المذاهب رجس 

 نفسي مرجل وقلبي شراع بهما في الدموع سيري وأرسي 

 واجعلي وجهك (الفنار) ومجراك يد (الثغر) بين (رمل) و(مكس) 

 وطني لو شغلت بالخلد عنه نازعتني إليه في الخلد نفسي 

 وهفا بالفؤاد في سلسبيل ظمأ للسواد من (عين شمس) 

 شهد الله لم يغب عن جفوني شخصه ساعة ولم يخل حسي 

قصيدة رااااائعة بكل ما فى الكلمة من معنى كانت تدرس لنا فى الصف الثانى الثانوى وكنت كلما قرأتها ادمعت عينى من شدة حبة للوطن فيها وتعبيرة الصادق عنها

واتسأل هل فى هذا الزمان من يحب بلدة ويشتاق اليها مثلما اشتاق اليها احمد شوقى 

ام ان كل هم شباب هذة البلد هو الهروب منها وحتى ان كلفهم هذا حياتهم ثمنا له؟؟؟؟؟؟؟

تعيش دماغى حرة مستقلة

فى ناس لما تتعرف عليها يا تبقى دماغك زية وارائك كلها زية علشان تكونوا اصحاب لاما متكونوش اصحاب

وانا بجد بكرة النوع دة لانى انا ليا دماغى لواحدى انا ممكن اقتنع لواحدى ان كلام صديقتى دة صح بس مش بالاجبار

ولان كنوع من الاحترام لشخصية صاحبك لازم متفرضش عليه ارائك وكمان تحترم وجهه نظرة لانك اكيد مش صح فى كل حاجة واهم حاجة اسلوب التناقش والحوار يكون فى هدوء وصراحة  

ونصيحة مهمة جدا

 لما تقرر انك تبقى صديق لحد لازم تعطية المساحة انة يكون هو مش انت علشان علاقتكوا تستمر للابد

  

حسن الخاتمة

السلام عليكم ورحمة الله وبركاتة

يارب ارزقنا حسن الخاتمة دى صورة لواحد مات وهو بيصلى وفى الكعبة لما شفت الصورة بكيت ورجعت لنفسى وقلت ياترى شخص زى دة عمل ايه فى حياتة علشان يوصل للمكانة دى لان الانسان يبعث على ما مات عليه يعنى فى ناس بتموت وهى بترقص وناس بتموت وهى بتغنى او وهى بترتكب اى معصية

وكمان عرفت ان الاعمال بخواتيمها يعنى ممكن حد يفضل طول عمرة يعمل حسنات ويجى اخر عمرة ويرتكب سيئات ويموت عليها علشان كدة الانسان لازم يراقب بعدة وقربة من ربنا ويخاف اوى لما يبعد عن ربنا انة يموت فى الفترة دى وكمان انة ينقى قلبة من النفاق والرياء ويجعل عمله خالص لوجة ربنا الكريم لان ربنا قال انة لو حد اشرك فى عملة حد تانى فهو لشريكة يعنى ربنا مش هايقبل منة

زى الحديث الشريف اللى كلنا لازم نفتكرة كل فترة اللى بيقول

عن أبي هريرة رضي اللّه عنه قال: سمعت رسول الله صلى الله عليه وسلم  يقول:

" إنّ أوّل الناس يُقضى يوم القيامة عليه رجل استُشهد، فأُتي به فعرّفه نعمه فعرفها، قال: فما عملت فيها؟ قال: قاتلت فيك حتى استشهدت، قال: كذبت، ولكنّك قاتلت لأَن يقال: جريء،. فقد قيل، ثمّ أُمر به فسُحب على وجهه حتّى أُلقي في النار.

ورجلٌ تعلّم العلم وعلّمه، وقرأ القرآن، فأتي به فعرّفه نعمه فعرفها، قال: فما عملت فيها؟ قال: تعلّمت العلم وعلّمته، وقرأت ْفيك القرآن، قال: كذبت، ولكنّك تعلّمت العلم ليقال: عالم، وقرأت القرآن ليقال: هو قارئ، فقد قيل، ثمّ أمر به فسحب على وجهه حتى ألقي في النار.

ورجل وسّع الله عليه، وأعطاه من أصناف المال كلّه، فأتي به فعرّفه نعمه فعرفها، قال: كذبت ، عملت فيها؟ قال: ما تركت من سبيل تحبّ أن يُنفق فيها إلا أنفقت فيها لك؟ قال: كذبت، ولكنك فعلت ليقال: هو جواد، فقدت قيل، ثمّ أمر به فسحب على وجهد، ثمّ ألقي في النار" (1). وربنا يتقبل منا اعملنا  اللهم اجعل خير عمرنا اخرة وخير اعمالنا خوايتمها وخير ايامنا يوم نلقاك دينا

مسجد السلطان حسن

السلام عليكم

مسجد السلطان حسن

حسب دراستى كان فى سكاشن عن الفن المعمارى والتصميم الداخلى والاثاث الاسلامى وكنا بناخد سكاشن هناك

حقيقى اول لما شفت المسجد دة حبيتة بطريقة غريبة وحسيت انى بجد رجعت للعصر دة اللى انا بحبة جدااااا و مع انى رحت مسجد الرفاعى برضة بس حسيت انة مقبض مش مريح

لكن حقيقى لما رحت كانت تعبيرات وجهى مليانة بالفخر والزهو والحب حبيت المكان جدا وخصوصا اننا كنا بنقعد فية اكتر من 5 ساعات متواصلة فكنا بنحضر غالبا صلاة الظهر والعصر وكمان افواج من السياح كانت بتيجى وتروح علينا طبعا كانوا بيتكلموا معانا كتيير وبجد شعرت بالفخر اننا كنا محجبات وكان فينا منقبات وكنا بنشتغل ونرسم ونرفع مقاسات ونقيس مع بعض حتى هما كانوا مستغربين (انا حسيت بدة)  وحسيت بجد بعظمة الحضارة الاسلامية والفن الاسلامى العريق لدرجة انى السنة دى خليت كل شغلى تقريبا طراز اسلامى علشان اتقنة اكتر واكتر 

المهم المسجد دة اتبع فى حاجة اسمها البعد الرابع فى العمارة وكمان اصول العمارة الاسلامية الرائعة  انها لازم ميكونش صحن المسجد مكشوف للى برة يعنى لازم يكون فى ممر منكسر بحيث انة يخبى اللى جوة عن اللى برة

والغريب وانت فى المسجد دة اللى هو اصلا موجود فى ميدان زحمة ودوشة وعربيات كتيييير انك متحسش باى صوت الا السكينة والهدوء ولا اى حركة ولا صوت اى عربية وكمان الجو الحر جدااا برة تشعر بالرطوبة والبرد الجميل جواة

يمكن علشان سمك الجدران كبير اوى والارض معظمها رخام  بس حقيقى انا منبهرة بالمسجد دة وكمان منبهرة بشخصية السلطان حسن جداااا

كنت قاعدة فى القاعة الاخيرة اللى هو مدفون فيها برفع مقاسات شغل هناك وكنت ساندة ظهرى على حاجة وبتدور ببص لقتنى ساندة على قبرة طبعا هو فى خشب حول القبر بس بجد متخضيتش ولا حاجة مع انى كنت لواحدى فى قاعة كبيرة جدا وقريت لة الفاتحة اكتر من 5 مرات انة عمل شئ رائع بالاتقان دة كلة

وبمناسبة الاتقان فعلا اللى يشوف المسجد دة وكمية الرخارف والكلام وبعد الكلام دة عن الارض يعنى كانوا بيستخدموا اكيد حاجات عالية جدا علشان يوصلوا ليها يحس ليه الحضرة الاسلامية كانت عظيمة ومنتصرة دايما

لان كان فى اتقان وتحس انة اللى عمل الشغل دة بجد حد راايق جدا ونفسة صافية جدا فعلا انة يعمل شئ متقن كدة وخصوصا انة فى الفن الاسلامى مكنش فى ابدا التصوير يعنى مينفعش يحط صورة انسان او صورة وردة مجسمة علشان طبعا دة حرام فكان دة بالنسبة ليه تحدى خلاة يوصل  لشئ جميل ومبتكر وخصوصا النجوم الاسلامية الرائعة اللى صعب تقعد تتعلم فيها فما بالك انها تعملها بالدقة دى يعنى انا علشان اعمل النجوم دى كنت بعملها على برنامج الاوتوكاد اسهل علشان محتاجة وقت كتير جدا انها تتعمل باتقان 

 وكان المفروض نعمل المشروع من مسجد السلطان حسن والرفاعى وبيت الكريتلية بس انا عملت اكتر من السلطان حسن لانى بجد حبيت المكان والحمد لله جبت امتياز فى المشروع دة

وربنا يرحمك يا سلطان حسن