ابيض او اسود

ابيض او اسود

اكرة هؤلاء الناس الرماديون 

هل خلل فى شخصيتهم؟

نفاق؟

رياء؟

مكر؟

لست ادرى 

حقيقة انا اكرة هؤلاء الناس الرماديون

لا اقصد الناس المحايدين ولكن اكرة الرماديون بمعنى النفاق  

بيت دافى وجميل؟؟؟؟؟

السلام عليكم ورحمة الله وبركاتة

البيت الدافى الجميل

ايه اللى يخلى البيت دافى وجميل وكل اهلة بيحبوا بعضهم

مال؟

علم؟

وظيفة؟

اخلاق؟

حب؟

اعتقد ان السبب فى وجود بيت دافى وجميل ومليان حب هو الرضا بقدر الله

ومعرفة ان الانسان راحل من الدنيا ومش باقى فيها 

مش بفلوس كتييير بالعكس كل العكس الفلوس كتير جدا بتكون سبب شقاء الانسان مش سعادتة 

وعلشان كدة انا مش بحب الناس الاغنياء اوى واتمنى ارتبط بحد نكافح لحد لما نبنى مستقبلنا لان اللى بيجى سهل بيروح سهل حتى لو اهلة اغنيا اجمل شئ لما الانسان يتعب فى شئ هو عايزة وميخدوش بالساهل بعد كدة بيحافظ عليه وبيحس بجمالة 

السعادة مش فى بيت واسع وجميل فيه احدث الاجهزة ووسائل الراحة

لاء اى مكان يكون جميل لو فى شخص جميل فى المكان وكلنا راضيين بقسمة ربنا حتى لو باقل الامكانيات بيبقى الناس سعيدة بتبقى وجوة الناس مليانة نور جميل كدة وعيونهم فيها لمعة حلوة من رضاهم لان نفسيتهم وقلبهم الابيض بينور وجوههم وحياتهم كلها 

ممكن باقل الامكانيات  وباصغر مساحة اخلى البيت جميل جدا

ودة اللى ان شاء الله ناوية ادرسه بتعمق اكبر واطبقة فى المتسقبل ان شاء الله  small spaces design 

بيت صغير وبسيط مش مكلف بس جميل وهادى  

اعرف ناس اغنياء جدااا بس للاسف معندهمش الاعتزاز بالنفس والرضا ودايما شايفين انهم ولا حاجة خالص وانهم اقل حد

عيونهم مش عارفة تشوف نعمة ربنا عليهم علشان قلوبهم مش حساها مش قريبة من ربنا مش بتحس قد ايه هو حنين وقريب ومعطى وكريم

انا بشمئز من الناس دى وبشفق عليهم 

السعادة عمرها ما كانت بفلوس او بمنصب 

السعادة شئ يتحس بينبع من الرضا بربنا 

الناس ليه مش حاسه ان الجنة اجمل من كل الدنيا دى

والدتى كانت دايما لما تكون فى مكان جميل اوى تقول الجنة برضة اجمل من كل شئ 

انا عايزة رضاك يارب  مش عايزة تمتع فى الدنيا 

 يارب ادخلنا الجنة بغير حساب وحرم اجسادنا على النار

يارب ارزقنى الرضا يارب والايمان وحب الناس وثبت قلبى على دينك يا قريب غير بعيد

الحمد والشكر ليك يارب على بيتنا الدافى الجميل اتم علينا النعمة دى يارب وادخلنا الجنة انا واهلى والمسلمين اجمعين برحمتك يارحيم 

الكذب اسواء الصفات

السلام عليكم

اصعب حاجة

حقيقى اصعب حاجة ان يبقى فى حد بيكدب عليك وبيتكلم بثقة جداااا وانت عارف ومتأكد انة كداب بس مش عايز تحرجة او تدخل فى مواجهة نتائجها واضحة من الاول

الكدب دة اسواء الصفات بجد

زمان وانا صغيرة والدى عمره مضربنى علشان اى حاجة ما عدا الكدب كانت اول واخر مره ضرب بسبب الكدب وكان سبب بسيط جدااا كنت لسه طفلة وحتى مش فاكرة ايه السبب

كنت بقعد اقول يعنى ايه يعنى الكدب عادى 

 بس حقيقى الكدب بيكشف جوانب سيئة جدا فى شخصية الانسان وعن خلل فى تركيبة او عن عدم رضا

وعموما الكدب ملوش رجلين على رأى المثل 

واكيد الناس هاتعرف فى الاخر وهايبقى شكلك وحش

انا بقا فيا مشكلة كبيرة جدااااااااا انى ببقى عارفة ان اللى قدامى بيكدب عليا وبرضة بصدقة تانى

يعنى انا مش عارفة ابعد عن صديقتى دى بس انا بطبيعتى مش بحب انفصل عن اى صديقة ليا مادام انا اخترتها من الاول

ومش هاقدر اقومها لانى حاولت معاها كتير جدا وللاسف فشلت

وربنا يهدى الجميع يارب  

اجمل اب فى الدنيا

السلام عليكم ورحمة الله وبركاتة

بابا

نور عيونى

بجد والدى اجمل اب فى الدنيا حنين, محترم ,طيب, متدين, كل حاجة حلوة فى الدنيا

اهم حاجة انه بيتقى ربنا فينا وبياكلنا من حلال 

كمان بار بوالدية يعنى جدتى وجدى من زمااااان وهما تعبانين رفض فى اول حياتة فرص عمل كويسه جدا علشان ميسافرش ويسيبهم 

مكناش بنروح نصيف كتير علشان منسيبهمش ولو رحنا كنا ساعات بناخدهم معانا

اكيد احنا كنا فى الاول بنتضايق من كدة

بس حقيقى والدى نجح وملى قلوبنا بحب جدى وجدتى والبر بيهم والعطف عليهم

وبقينا نفكر فى كل حاجة ليهم الاول قبلنا وحقيقى قلبنا اتملى بحبهم

مرة بابا قالى انة كل قرش اتصرف علينا حلال وانة بيشهدنا على دة

انا كنت سعيدة اوى لما عرفت دة لان من نبت من سحت فالنار اولى به

والدى ادالى حرية كبيرة جدا لدرجة انى بقيت اخاف اعمل حاجة ممكن هى فى حدود المسوح بيه بس لما يكون حد ادالك حرية وخايف انة يزعل منك بتحاول تتجنب اى شئ يزعلة

ودة علمنى انة انا مش خايفة من والدى علشان كدة مش بعمل حاجة غلط لاء انا ربنا فوقى وشايفنى وسامعنى وتانى حاجة علشان بخاف على زعله

وفى الاخر اللى يشوف حنية والدى على جدى وجدتى التعبانين وسهرة معاهم وصبرة وتعاملة معاهم بكل رحمة وحب وعمرة محش بملل او زهق من خدمتهم يحس انه اجمل انسان

 نفسى ارد الجميل دة لاجمل اب فى الدنيا

ربنا يخليك ليا يا نور عيونى 

توم وجيرى

توم وجيرى هايفضل اجمل كارتون بتابعة على الاطلاق واقعد استنى ميعادة على ام بى سى ثرى كـــــــــــــل يوم

ولو فى مسلسل او برنامج متابعاه بفضل توم وجيرى عليه

 

ONLY YOU .........

No one in my heart

except one

only one 

and really he is my first love

I have never give any one the permission to enter my heart except him

He is the only one in the world i always feel he is with me 

I always do bad things for him and he give me all i need

He is   ALLAH   my first love

ya  ALLAH  help me 

be with me 

and make every second in my life working for you when i am sleeping , studying , praying , talking 

and let me enter the paradise 

let my eyes to see you in paradise

and forgive me if i forget this any time

I  LOVE  YOU  YA        ALLAH........................

يبقى انت اكيد اكيد فى تطبيقية

لما 

تبقى مصاحب كل اللي شغالين في الكلية

واحد يقول لك صباح الخير تقول له مساء الفل

تختصر الـ3 وجبات في الفطار

تشرب اكتر من 3 قهوة سادة في ليلة واحدة

تقدير تعيش من غير نور ولا ناس ولا اكل ولا شرب لكن تتجن لو زيروكس ماطبعش مشروعك

تضيع مفتاح بيتك وماتحسش الا بعد اسبوع

تقوم تغني بصوت عالى الساعة 3 الصبح من غير اي سبب

تكون خبير اوتوكاد وفوتوشوب وايلاستريتور وماتعرفش تعمل جدول اكسيل

يكون عندك مادتين في اليوم وشغل طول اليوم

تقضي وقت في الكلية اكتر من البيت

اهلك يشتكو انك مابتفرجش عن نفسك

تخرج من الكلية بس عشان تجيب اكل

ماتكونش استحميت من اسبوع

تفكر ان الاستحمام مضيعة وقت

تحلم بمشروعك بيجري وراك

اهلك يكون لهم حياة اجتماعية اكتر منك

اخوك الصغير يكون له حياة اجتماعية اكتر منك

اختك اللي لسة مولودة يكون لها حياة اجتماعية اكتر منك

تبقى عارف كل المحلات اللي بتفتح 24 ساعة في المنطقة

يكون اصحابك بينامو في ليلة واحدة اكتر منك في اسبوع

تعتبر ان الساعة 3 الصبح بدري

تكون خارج الساعة 3 الصبح وكل الناس عارفة انت فين

تكون يوم الخميس والجمعة كلهم في الكلية

تقول(الساعة لسة 12 بليل لسة قدامي وقت كبير اخلص)

تتلخبط بين الشروق والغروب

تسأل الساعة كام بعد كدة تسأل الصبح ولا بليل

تتخانق مع واحد صاحبك عشان قال لك انه سهر متأخر امبارح

يوم الخميس بتاعك 73 ساعة

صباعك يتقطع ويبقى تفكيرك الوحيد المشروع هايخلص ولا لا

تفهم فعلا ليه طلبة بكالوريوس شعرهم ابيض ولابسين نضارات

تتكلم على المصممين المشهوررين على انهم اصحابك

تسمع كل الاغاني اللي بتحبها في ليلة واحدة ...مرتين تلاتة

تبدأ تسمع عماد بعرور باستمتاع

تبقى اغاني معينة تفكرك بالكلية

ماتحاولش ترتبط لان ماحدش هايبصلك كدة

يكون ليك مفهوم تصميمي في ترتيب الاكل في طبقك..دة اذا كان في طبق

تاكل بالمسطرة أو الفرشة

تصحى عشان تروح الكلية..تلاقي نفسك في الكلية

تبدأ تخلي كل هدومك سودا

تعترف انك ميت

تعتبر ان اللي برة الكلية دة العالم الواقعي

تحب تاكل تروح تقعد ع القهوة

تدور على شرابك في المطبخ

تتلخبط بين النهاردة وبكرة

تسمع الجملة دي كتير(انت كنت لابس دة امبارح يابني...واول امبارح)

تحسب عدد الايام اللي فضلت صاحيها

تفتكر ان اليوم 48 ساعة

يكون الاحترام والهدوء والرزانة بيعتمدو على عدد ساعات النوم

تحسب الوقت على اوقات التسليمات ..فاضل 3 ايام ع التسليم..النهاردة خامس يوم من التسليم

تفكر في الانتحار 3 مرات في اليوم

تفكر انك تسقط نفسك 3 مرات في اليوم

تعرف زمايلك في الكلية اكتر من اهلك

تعتبر المسطرة الـ

والكمبيوترT

دراعك التالت

تفتكر ان اليوم بقى فيه شروقين

ماتعرفش ترسم من غير دوشة

تعمل دماغ من السهر

تعتبر ان اي سطح مستوي هو سرير بس مش واخد بالو

يبقى اي كتاب بتقراه عبارة عن صور بس

يكون عندك اكتر من منبه في مكان وجودك

زمايلك يكرهوك لانك بتشغل الاغاني اللي انت بتحبها بصوت عالي

نفس الزمايل يحبوا الاغاني دي ويزهقوك منها

تنام وانت مفتح عينك

تفضل انك تعمل فيلم على انك تكتب سطرين

تنام وانت واقف وانت قاعد

تسمي ادواتك وتعاملهم على انهم بني ادمين

تكون الاغاني الشعبي هادية بالنسبة لك

تكون درجة حرارتك فوق الاربعين مش عذر كافي انك تفوت تسليمة

تبقى عارف ان كل اللي مكتوب دة حقيقي.

فعلا دة حالنا فى الكلية بجد مش بعرف نفسى وانا فى الدراسة

وبيبقى شكلى فى الاجازة حاجة وفى الدراسة حاجة تانية

يا ابن ادم

يا ابن ادم 

انك ما دعوتنى ورجوتنى غفرت لك على ما كان فيك ولا ابالى 

يا ابن ادم

 لو بلغت ذنوبك عنان السماء ثم استغفرتنى غفرت لك على ما كان فيك ولا ابالى 

يا ابن ادم 

لو اتينى بقراب الارض خطايا ثم لقيتنى لا تشرك بى شيئا لاتيتك بقرابها مغفرة

سبحانك يا رحيم 

القمر جميل اوى النهاردة

القمر جميل اوى النهاردة

النهاردة 14 فى الشهر الهجرى وطبعا القمر بدر

بحب جدا ابص للقمر بس مش على طريقة روميو وجوليت        

لاء لما ببصى للقمر بحس انه بحاجات كتير اوى

 اولهم بقول ربى وربك الله واصلى على سيدنا محمد

وتانى حاجة بقعد اتخيل قد ايه القمر دة بعيد وقد ايه الارض كل الارض جسم صغير فى  مجرة واحدة ضمن عدد كبير من المجرات وبعدين اقارن حجم الانسان بحجم الكون كلة وبعدين اقارن حجم الانسان بعظمة الخالق اللى خلق كل الكون دة

ساعتها بجد بحس قد ايه ربنا دة حنين وكريم اوى وقريب  ياااااااه يعنى ربنا سايب اللى يتكبر عليه واللى يقول انه مش موجود ولو عرف الانسان قيمة نفسه لاحتقرها بجوار خالقة العظيم

يااااااااااه

يارب انت كبير وعظيم وحنين اوى اوى بجد الحنية دى اكتر صفة بحسها فى ربنا دايما اغلط وابعد عن طريقى والاقى ربنا بيقربنى للطريق الصح ويرجعنى ليه تانى كل لما اغلط الاقيه جمبى ودايما يفكرنى بيه علشان اتوب ليه

بحب اوى ابص للقمر وبحب ربنا اكتر واكتر سبحانك يا خالق الاكوان يا عظيم يا رحيم

اللهم شرف عيوننا بالنظر الى وجهك الكريم وارحمنا اللهم انى استجير بك من غضبك والنار واسألك رضاك والجنة يا كريم

رحمتك بعبادك يا الله

بحبك يا ربى

لا نستحق هذا الوطن

السلام عليكم ورحمة الله وبركاتة

لا نستحق هذا الوطن............عنوان مقال الاستاذ فاروق جويدة اليوم الجمعة فى جريدة الاهرام الاسبوعى

صدمنى هذا العنوان من قبل حتى ان اقرأ المقال وكنت فى نفس اللحظة اسمع اغنية فى برنامج على الناصية اغنية (مصر الى فى خاطرى وفى دمى)وتوقفت كثيرا عند هذا العنوان واخذت افكر

هل نحن فعلا لا نستحق هذا الوطن؟؟؟؟

وهل ان كان هذا الوطن فيه اناس اخرون يحبونة ويعطونة من التقدير والحب ما يستحقة فعلا

هل هذا سيكون حاله؟؟

ام اننا فعلا لا نستحق هذا الوطن 

انهيار فى كافة الاصعدة العلمية والسياسية والصحية والادبية والاخلاقية والدينية

انهيار بمعنى الكلمة وهذة هى الحقيقة التى يخفيها عن عيوننا حبنا لهذا الوطن فقط الحب بالكلم وليس بالفعل  وان لم يكن حبنا هو ما يدارى واقع هذة البلدة عن عيوننا فهو اذن الهروب 

نعم الهروب من الواقع المر الى عالم الاحلام الجميل

وطن بمثل هذة المساحة والمواصفات التى قلما تتجمع جميعها فى وطن واحد يصبح بهذة الحالة

واخذت افكر فى حال مصر ان كان فيها اناس يحبونها فعلا ماذا سيكون حالها؟

سيناء

ستكون سيناء من اجمل واكبر المناطق السياحية والصناعية والسكنية ايضا لان مساحتها تؤهلها لذلك

ستتوزع كثافة السكان المتركزة فى الدلتا والتى اصبحت لا تقدر ان توفى باحتياجتنا فى كافة المناطق

وسنترك الارض الزراعية التى نتبارى ان نبنى عليها لكى تزرع 

فمن ينظر الى البلاد اليوم وكم العمارات التى فيها ويسأل عن تاريخ هذا المكان التى لا يتجاوز ال 50 عام من البناء يعرف انة كان كله اراضى خضراء جميلة مثمرة وللاسف اصبح عمارات سكنية وتجارية فى غاية القبح فقط اسمنت وطوب 

وكذلك فى كافة مناطق مصر ففى مصر اماكن لو استغلت استغلالا صحيحا لاصبحت مصر من الدول المتقدمة وان لم تكن على رأسها يكفيها هذا التاريخ العظيم من الحضارات الفرعونية والقبطية والاسلامية ليجذب اليها كل الناس 

وكذلك العلم 

هل لو كان هناك اناس يحبون هذا الوطن هل كانوا سيهتمون بالعلم ام كان سيصل اللى الحد الذى وصل اليه الان انه خريج ولا يعرف ان يكتب اسمه ويحتقر معلمه 

البحث العلمى فى ادنى مستوياتة قلما نسمع انه تم اختراع شئ ما مفيد فى مصر ولكننا نسمع فقط عن علماء ذهبوا اللى الخارج واستفاد منهم الخارج هل لو كان هناك اناس فى هذا الوطن يحبونة سيتركون علماؤهم للذهاب اللى الخارج

ام سيوفروا لهم المكان الناسب واللاجهزة المناسبة لكى لا يتركوا بلدهم؟؟

الادب

اين ذهبت لغتنا الجميلة ايه؟؟؟؟؟؟؟

فعلا لغتنا العربية من اجمل اللغات فى العالم ولكننا للاسف استبدلنا لغه القران الكريم لغة العلم لغة التاريخ بلغات اخرى بل واصبحنا نتفاخر اننا نعرف لغات اخرى اكتر من لغتنا فلا عجب ان ترى الان اناس يفخرون انهم لا يعرفون ان يتكلموا عربى جيدا ولكنهم يتقنوا لغات اخرى

لا انكر اهمية تعلم لغات اخرى واتقانها ولكن ما يضر ان كنت تعلم 100 لغة ولكنك فخور بلغتك الام  وتتحدث بها بزهو وتحافظ عليها وتحترمها ولا تدمج معها لغات اخرى فى نصف كلامك قد تكون انت لا تعلم معنى هذة الكلمات اصلا

الصحة

المبيدات المسرطنة وتفشى داء السرطان وتلوث الماء والهواء والارض وحتى النظر لوثوة بالمناظر السيئة

النيل الجميل؟؟

هل كان هذا سيكون حال النيل ان كان هناك اناس يحبون مصر؟؟؟؟؟

اتصور انه سيكون فى غاية النظافة والنظام وسيعلموا ابنائهم ان يحبوا هذا النيل لانه سبب الحياة فى مصر والشريان الرئيسى الذى يغذى مصر كلها بل وافريقيا كلها بالماء

اتصوره  جميلا مع لمعان الشمس في الماء الصافى الجميل وتغريد العصافير على جوانبة فى الاشجار التى تملاء كل مكان حولة مع رائحتة الذكية المليئة بالطبيعة؟

ام سيكون حاله كما الان انهياااااار رمى المخلفات الصناعية والزراعية مواطنون لا يعرفون قيمة هذا النيل ويستهينون به ويرمون فيه ما يطاق ولا يذكر واصبح بهذة الدمامة وهذة الرائحة الكريهة التى تنبعث منه

العرب 

هل سيكون هذا هو حال العرب من المهانة والذل والتفرق وعدم وحدة الكلمة

ام انة سيكون هناك اتحاد عربى كالاتحاد الاوروبى وسوق عربية مشتركة التى هى الان درب من دروب المستحيل وعملة موحدة للعرب اجمعين

هل    هل   هل؟؟؟؟

وبعد كل هذا الكلام هل نحن نستحق فعلا هذا الوطن؟؟؟؟؟

ولست ادرى ما الذى ينتظرنا نحن شباب المستقبل لكى نصلح ما تركه لنا الجيل السابق من تلف فى كل شبر من هذا الوطن

وكم سنستغرق من السنين لاصلاح هذة الاضرار فى كافة المجالات

وكيف سيجيبون ربهم عن هذة النعم التى انعم الله علينا بها الى اين ذهبت وماذا فعلنا بها 

لقد اعتدت انه عندما يمنحنى الله نعمه ما افكر فى انه لماذا اعطانى ربى هذة النعمة انا دون غيرى 

لقد منحها لى لكى احسن استخدامها واساعد الناس بها وان لم يكن ذلك فانا لا استحق هذة النعمة

وفى النهاية

لست متشائمة الى هذا الحد ولكنى احاول ان ارى ما وصلنا اليه وان ازيح هذة الغمامة عن عيونى لأرى ماذا حدث لوطنى 

 فهل نستحق هذا الوطن؟؟؟؟؟؟؟؟؟

 

اهواك يا كعبة الانوار

اهواك يا عكبة الانوار

أهواكِ يـا رَبَّـةَ الأسْتـارِ أهواكِ * وإنْ تَبَـاعَدَ عن مَغْنـايَ مَغْنـاكِ 

يا ربةَ الحَرَمَ العالى الأَمِينِ لِمَنْ * وافاهُ مِنْ أين هذا الأَمْنُ لَوْلاكِ 

كما حططتُ ببابِ المصطفَى أمَلي * وقلتُ للنفسِ بالمأمولِ بُشراكِ 

محمـدٌ خـيرُ خلقِ الله كلِّهِـمُ * وفاتحُ الخيرِ ماحي كلِّ إشراكِ 

يا أفضلَ الرُّسْلِ يا مَوْلى الأنامِ ويا * خيرَ الخلائقِ مِن إنسٍ وأملاكِ 

********** 

وهذا ما ينشده الشيخ البهتيمي بعد تعديل كلمات

أهواكِ يـا كَعْبَـةَ الأنْوارِ أهواكِ * وأقطعُ العُمْرَ مُشتاقًا لِلُقْيـاكِ 

يا ربةَ الحَرَمَ العالى الأَمِينِ لِمَنْ * وافاكِ مِنْ أين هذا النُّورُ لَوْلاكِ 

لقد حملتُ ببابِ المصطفَى أمَلي * وقلتُ للنفسِ بالمأمولِ بُشراكِ 

محمـدٌ خـيرُ خلقِ الله كلِّهِـمُ * وفاتحُ الخيرِ ماحي كلِّ إشراكِ 

يا سيِّدَ الرُّسْلِ يا مَوْلى الأنامِ ويا * خيرَ الخلائقِ مِن إنسٍ وأملاكِ 

***********

هذه القصيدة التي ينشد بعض أبياتها الشيخ كامل البهتيمي ، 

وهي للشاعر اليمني المتصوف البرعي 

( على ما فيها من تجاوزات لغوية ونحوية )

يـا راحلينَ إلى مِنًى بقيـادي * هيجتُمُ يومَ الرحيل فؤادي 

سرتم وسـار دليلكم ، يا وحشتي * والعيس أطربني وصوت الحادي 

حرمتمُ جفني الْمنـام لبُعدكم * يا ساكنين المنحنى والوادي 

فـإذا وصـلتُم سـالِمينَ فبـلّغوا * منّي السلام أهيلَ ذاك الوادي 

وتذكّروا عند الطواف متيمًا * صبًّـا فَـني بالشوق والإبعـادِ 

لى من ربا أطلال مكّة مرغبٌ * فعسى الإلهُ يَجودُ لى بِمُرادي 

ويلوحُ لى ما بين زمزمَ والصفا * عند المقام سمعت صوت منادي 

ويقول لى يا نائمًا جدَّ السُرى * عرفاتُ تجلو كلّ قلبٍ صادي 

تالله ما أحلى المبيت على منى * في يوم عيـدٍ أشـرفِ الأعيـادِ 

الناسُ قد حجّوا وقد بلغوا المنى * وأنا حججتُ فما بلغتُ مرادي 

حجوا وقد غفر الإلهُ ذنوبَهُم * بـاتوا بِمُـزدَلَفٍ بغـيرِ تَمـادِ 

ذبحوا ضحاياهُمْ وسال دماؤُها * وأنا الْمتَيَّمُ قـد نَحرتُ فؤادي 

حلقوا رؤوسَهمُ وقصّوا ظُفرَهُم * قَبِـلَ الْمُهَيـمنُ توبـةَ الأسيـادِ 

لبسوا ثياب البيض منشور الرّضا * وأنا الْمتيم قـد لبست سوادي 

يا ربِّ أنت وصلتَهُم وقطَعتني * فبحقِّهِم يا ربّ حل قيادي 

بـالله يـا زوّارَ قـبرِ محمّـدٍ * من كان منكُم رائحٌ أو غادِ 

لِتُبلِّغوا الْمُختارَ ألفَ تَحيّةٍ * من عاشقٍ متقطِّع الأكبادِ 

قولوا له : عبدُ الرحيم متيَّمٌ * ومفارقُ الأحبابِ والأولادِ 

صلّى عليكَ اللهُ يا علمَ الهدى * ما سـارَ ركبٌ أو ترنَّمَ حادِ

نتيجة الترم الاول

نتيجة الترم الاول 

الحمد لله امتياااز وعقبال الترم التانى ان شاء الله

اجمل حاجة فى الدنيا لما الواحد يتعب ويلاقى نتيجة تعبه

ملل +كسل + تسليم مشروع

السلام عليكم

ملل       كسل..............مش عارفة

عندى تسليم مشروع بكرة ومش عارفة ايه سبب الكسل دة انا حاسة بالكسل من اول الترم دة بطريقة غريبة ومش عارفة ليه؟

يمكن خايفة انى محققش نتايج الترم الاول بس انا واثقة من قدراتى وعارفة انى لو عايزة احققها تانى هاحققها ان شاء الله  

نفسى اشتغل بنفس حماسة زمان ونفس حب الشغل اللى بيخلينى ابدع 

وعندنا فى الكلية مفيش رحمة ومفيش هزار لان كل  سكشن محسوب وقتة وتسليم المشاريع ليها اوقات محددة

يارب وفقنى لسه قدامى ليل طويل وترم اطول المشكلة ان دفعتى ما شاء الله شاطرين جدااااا فعلا اقوى دفعة على مستوى الدفعات كلها من اعدادى لرابعة وعلشان كدة علشان تكون الاول او حتى تعمل شغل كويس لاااااازم تقتل نفسك شغل ومتلحقش تشوف حد فى البيت وتنام ليل نهار على طربيزة الرسم  الهندسى علشان تلحق تخلص

يارب الحق اخلص  

الحب الاول

الحب الاول

كثيرا ما نسمع عن حكايات عن الحب الاول وانه الحب الوحيد الذى تبقى ذكراة فى القلب

(وما الحب الا للحبيب الاول )

وكنت اسأل نفسى من يستحق هذا الحب الذى يستمر ولا يمكن ان ينسى بسهولة (ان كان صادقا) فوجدت

انه لا يستحق مثل هذا الحب الا الله ولا يستحق ان يأخذ هذا المكان احدا سواة

فهل من احد فى هذة الدنيا يملك صفة واحدة من صفات الله

العظيم        الكريم      القريب         المجيب

وهو معى اينما اكون ويستجيب لى فيما ادعوة 

وكنت اسمع عن الفراغ العاطفى وانه يؤدى الى ما يحدث الان ولكنى لم اكن اشعر به فمعى افضل حبيب حتى يأتينى من كتبة الله لى وكتبنى له 

  فان كان معك فلا تحزن ولا تيأس ولا تشعر ابدا بالوحدة والفراغ والوحشة فى قلبك اعرف ان كلا منا لدية  قلب و مشاعر ويريد ان يخرجها ولكن حب الله يجعلنا نخرجها فى وقتها المناسب وللشخص المناسب وبالطريقة التى يرتضيها لنا اله الكون 

وبذلك يجعل الله لنا من ازواجنا وذرياتنا قرة اعين

لاننا اطعناه وحببناه فأعطانا مالم نكن نتوقعة ولا نتخيلة

وادعو الله ان يرزقنا حبه وحب من احبه وحب كل عمل يقربنا الى حبه

يارب