هتلر وازمة الانترنت المحدود فى مصر

http://www.youtube.com/watch?v=hIiIwbpTOkk&eurl=http://www.facebook.com/home.php?ref=home&feature=player_embedded

هتلر وازمة الانترنت المحدود فى مصر

دمياط الجديدة

دمياط الجديدة

الايام دى بروح دمياط الجديدة كتير

ورغم حرارة الجو الا ان الطريق من دمياط لدمياط الجديدة حقيقى سااااااااحر

خضرة وزرع وسما صافية وهوا نقى ونخل طول الطريق والطيور البيضا فى الحقول الصبح بتبقى عاملة زى الؤلؤ بالضبط بتشع نور

بجد طريق رائع مع ان ناس كتيرة بتشوفة طريق طويل ومتعب لكن جمال النخل والزرع والهوا الصافى اللى جامع بين هوا الصحرا وهوا البحر وهوا الخضرة الواسعة جدااااا

تخيلوا الهوا يكون نقى وجميل ازاى

وطبعا بتمر على الميناء وهى برضة جميلة

ولما بندخل دمياط الجديدة بصراحة انا معجبة بالمدينة دى جدا جدا واتمنى اعيش فيها لانها رائعة نظيفة جميلة واسعة مبنية صح من الاول وعلى اسس وقوانين والبنية التحتية بتاعتها كويسة جدا ومتوصل الغاز من قبل لما يرصفوا الشوارع مش زى عندنا فى دمياط كل شوية يوصلوا غاز لمنطقة يبهدلوها الا مناطق معينة لازم تكون دايما مرصوفة وكويسة

كانت زمان المدينة دى زى الاشباح محدش بيروحها كتير بس دلوقتى فيها اسكان مبارك وفيها مناطق جميلة جدا ومواصلات ومرافق ممتازة

وحديقة دولية كبيرة

وكمان طراز المبانى والفلل هناك روعة بجد والوانها تجنن والشوارع واسعة جدا جدااااا

والاجمل انها هادية بدرجة كبيرة جدا يعنى عندنا فى منطقتنا فى دمياط القديمة الساعة 4 الفجر الناس صاحية والشارع دوشة جدا

هناك ممكن تستمتع بالهدوووووووء والصمت

وطبعا هى كمكان سكنى رائع جدا وصحى وجميل وكمصيف برضة حلوة بس محتاج يكون معاك عربية افضل فى التنقلات

بس مش زى راس البر يعنى راس البر زحمة ودوشة وناس ومتاطق كتير تتفسح فيها وسنيمات واسواق يعنى شبابى اكتر وعموما راس البر مش بتنام الصبح زى بالليل

لكن دمياط الجديدة جمال راقى وهدوء واشجار وصوت عصافير وهوا جميل ونقى وبحر صافى ومش مزدحم نهائى يعنى للاستجمام وللكبار اكتر منها للشباب

بحس انها مدينة رومانسية جدا يعنى شوارعها جميلة وفاضية وقدام كل بيت لازم مساحة خضرة كبيرة والشوارع واسعة جدا والجو حلو تجرى بقا تلعب تعمل اللى انت عايزة براحتك

ومستقبلها الصناعى كويس جدا لان فيها منطقة صناعية روعة وفيها مصانع عالمية والميناء قريبة منها جداااا يعنى مش بتتكلف فلوس كتير للشحن وكدة

وكمان هاتبقى حاجة تانية خالص لما تتبنى فيها جامعة دمياط قريب ان شاء الله وهما هايعملوها جامعة تكنولوجية ومش هايبقى فيها غير الكليات اللى دمياط محتاجاها فعلا زى الهندسة ومش بكل اقسامها بالاقسام اللى محتاجنها بس

بجد نفسى اعيش فى دمياط الجديدة

انتى غالية

اللهم استرنا فوق الارض وتحت الارض ويوم العرض عليك

يارب ارزقنا الزى الشرعى الذى يرضيك عنا ويدخلنا الجنة وثبتا عليه يا كريم ويا قريب غير بعيد

مصدومة ..........

انا مصدومة

مش عارفة اقول ايه

بس لما تكون ليك صديقة وانت بتحبها ومخلص ليها جدا جدا وربنا هو الشاهد على دة واديتها اخلاص وحب و(طاعة ) وكل حاجة

وفجأة تعرف انها كانت بتضحك عليك

طب كل دة ليه؟؟؟

علشان مشروع هاتجيب فية اعلى منى

علشان علم هى مش عايزانى اعرفة رغم انى بعمل كل شئ واوقات كتير بترجاها انها تاخد شئ مفيد ليها

احنا كل يوم بنعمل مشاريع بس مش كل يوم بنكسب صديق ودود ومخلص

ورغم انى كنت بحافظ على الصداقة دى لاخر مدى

ورغم انى بحبها ومش بيأثر فيا غير انها تكدب عليا

مش بيأثر فيا غير الصداقة

وغير ان طيبتى دايما بتحطى فى مشاكل

وناس نصحونى انى اكون حريصة اكتر

يعنى انا لازم اتعلم الخبث علشان اعرف اعيش

ورغم انى قررت ابعد عنها

الا ان البعد عنها حقيقى كان صعب ودة لانى مش بحب افترق عن اى حاجة بحبها

وكانت مأثرة فى نفسيتى وتعبانى جدا زى ما اكون سبت حبيب مش صديقة

ودة لانى كنت بعتبرها حبيبة

يمكن ناس تقولى انى مثلا بكبر المواضيع زيادة عن الزوم بس انا عندى الكذب شئ صعب اوى اوى

وخصوصا لو حد كذب عليك انت بتحبة ومخلص ليه

وللاسف برضة انى مش عارفة اشيل منها رغم كل دة

ولما بقابلها بنسى كل شئ

ساعات بحس ان كل موقف بتعملة فيا بيحصلى زى الصورة دى بتألم جدا جدا

مش عارفة اتعامل معاها ازاى

بس احنا بنعامل ربنا

(ومن يتقى الله يجعل لة مخرجا ويرزقة من حيث لا يحتسب )

ويارب العالمين اهدينا واصلح حالنا وازرع فى قلوبنا حب الناس وانزع منها الحقد والكرة والكدب والخيانة

وقوينى يفضل قلبى نقى ومش بيشيل من حد مهما كان

اللهم انى اعوذ بك من سوء الكبر

اللهم انى اعوذ بك من سوء الكبر

بيحصل قدامى كل يوم حاجات بتؤكد ان فعلا الكبر عبر

وان ربنا بيردنا من بعد ضعف قوة وبعدين لضعف تانى

وبعدها الانسان يرجع لاصلة لتراب

وان مش باقى للانسان فى اخر عمرة الا الحب والحنان والعطاء بكل رضا وحب لو كان عمل كدة طول حياتة

او يتقابل بكل النكران والاحتقار والاشمئزاز فى معظم الاحيان والكرة لو كان وهو فى صغرة عمل كدة

وعلشان كدة لازم لما نشوف الكبير نتعظ ونخدمة بعنينا ومنزهقش ودة لاننا فى يوم من الايام هانكون زية

وكل كلمة وكل حرف وكل فعل عملناه هايترد لينا فى كبرنا

والانسان يجتهد انة يعمل فى شابة لهرمة يعنى يعمل كل الصالحات فى صحتة وشبابة علشان يلاقى اللى يعملهالة لما يكبر

والداتى دايما تدعى دعوة حلوة اوى عرفت قيمتها قريب جدا وهى يارب تميتنى وانا على رجليا

وربنا يحسن خاتمتنا فى الامور كلها يارب ويميتنا على ملة الاسلام

ويحفظنا من سوء الكبر

فرحة حقيقية

السلام عليكم ورحمة الله وبركاتة

ما اجمل طاعة ربنا

بجد مفيش اجمل من طاعة ربنا وان كل واحد يختزن مشاعرة جواة لحد لما يلاقى نصة التانى

ويكون فى طاعة ربنا ورضا وفى مباركة اهلهم كلهم

والناس كلهم تكون فرحانة ليهم

مش اللى بيحصل دلوقتى من توزيع المشاعر على من لا يستحق لحد لما ييجى من يستحق يكون القلب خلاص تعب ومكان كل قصة حب او تعارف فشلت نقطة سودة فى القلب لحد لما يكون القلب كلة لونة اسود ومش قادر يكون ابيض ويحب تانى

مفيش اجمل من ان القلب يكون مقفول ..........مقفول اوى لحد لما ييجى اللى يستحق ان القلب يتفتح علشانة

ومفيش اجمل من ان القلب دة يكون مليان بحب ربنا وبطاعتة

ويكون مليان بالنور

اكيد صعب...........بس ممكن ممكن اوى لو بنحب ربنا ولو مخلصين

مخلصين لنفسنا فى الاول ومخلصين لحد منعرفوش لسه جاى

ويكون كلنا ثقة فى الله انة

( من يتقى الله يجعل لة مخرجا ويرزقة من حيث لايحتسب )

وربنا يهدى شباب وبنات المسلمين ويرزقهم بالازواج والزوجات الصاحين يارب

الطبيعى يكسب

السلام عليكم

مدونتى وحشتنى اوى بس هانعمل ايه الظرووف

الحمد لله الايام دى الافراح والخطوبات عندنا كتير

واللى ملحظاة ان الواحدة لما العريس يكون جاى يشوفها اول مرة يا سلااااام تروح للكوافير وتعمل ميك اب حتى لو هى مش بتعمل اصلا وتكون واحدة تانية خاااالص بمعنى الكلمة السمرا بيضة والى عنيها سودة تتحول لازرق او اخضر حاجات كدة عجيبة

بس انا اعتقد ان اكتر مرة المفروض البنت متحطش فيها ميك اب هى اول مرة خطيبها يشوفها فيها

ودة لانها هاتعيش معاة بقية عمرها الجاى فمش معقول هاتفضل تحط الميك الصبح وبالليل وهاتفضل طول عمرها بالميك اب او هاتقل فى نظرة لو شافها من غير ميك اب

افتكر والدتى وهى بتحكيلى ان اول مرة والدى شافها فيها كان جاى لهم فى البيت وكانت لسه متوضية ومصلية المغرب

عجبنى اوى الموضوع دة لانى بكرة الكدب وبعتقد ان الميك اب التقيل اوى بجد كذب

ودة لانى بنت وبشوف قبل وبعد وبجد مش بصدق

ومفيش اجمل من الطبيعة وخلقة ربنا حتى لو فى عيب كفاية ان ربنا هو اللى خالق الوجة دة وكفاية انك على طبيعتك مش خايفة الميك اب يروح او يبوظ ومنظرك يكون وحش

حقيقى على رأى المثل الطبيعى يكسب

I promise...............

White , Pure , Strong , Full of LOVE and LIFE........

I promise :) ..............

and I will be READY.................................

كلويفرت

قصة جميلة عن مزارع هولندي يدعى فان كلويفرت هاجر الى جنوب أفريقيا للبحث عن حياة أفضل . وكان قد باع كل ما يملك في هولندا على أمل شراء أرض أفريقية خصبة يحولها الى مزرعة ضخمة وبسبب جهله - وصغر سنه - دفع كل ماله في أرض جدباء غير صالحة للزراعة .. ليس هذا فحسب بل اكتشف أنها مليئة بالعقارب والأفاعي والكوبرا القاذفة للسم .. وبينما هو جالس يندب حظه خطرت بباله فكرة رائعة وغير متوقعة .. لماذا لا ينسى مسألة الزراعة برمتها ويستفيد من كثرة الأفاعي حوله لإنتاج مضادات السموم الطبيعية .. ولأن الأفاعي موجودة في كل مكان - ولأن ما من أحد غيره متخصص بهذا المجال - حقق نجاحا سريعا وخارقا بحيث تحولت مزرعته (اليوم) الى أكبر منتج للقاحات السموم في العالم !!

قصة جميلة جدا

استفدت منها انه فى وقت من الاوقات قد تصل الى طريق مسدود لتحقيق حلمك

فقط لا تيأس.................. ابدأ من جديد وغيرهدفك الى هدف عملى اكثر

فقد تكون فى البداية وعند التفكير فى الهدف لا تدرك اشياء تتضح جليه عندما تسير فى تحقيق هدفك

وما اجمل ان تكون لك طريقتك الخاصة فى تحقيق اهدافك وتفاجئ بها غيرك

وما اجمل ان ينقلب فشلك الى قمة النجاح بطريق اكتشفتة انت وحققت به اكثر مما كنت تطمح

وما اجمل التفكير والابداع عندما تسد امامك كافة الطرق

وهذة القصة ستكون دافع لى ان شاء الله فى تحويل (جزء) من اهدافى الى مسار اخر ان شاء الله

والله حلوة

اغنية عجبتنى مع انى مش بحب الاغانى بس بجد جميلة وليها معانى حلوة

والله حلوة

لو جة فى بالنا نحلم بجنة قوة ايمانا هى السلام

ودين معاملة ورسالة كاملة يعنى الحكاية مفيهاش كلام

غنى وحب وصلى جماعة لقلبك ساعة وربك ساعة

والدنيا حلوة والله حلوة ........ مش ضاحكة علينا وخداعة

متقولش خلصت وذنوبى كترت متعيش فكرة جاى العذاب

صاحب الجلالة الله تعالى والاستحالة ينسى اللى تاب

ربنا مخلقناش نتألم ..........عادى بنغلط وبنتعلم

والدنيا حلوة

والله حلوة

اوعى تسيب نفسك وتسلم

لو حد خاننا او جرح طالنا نفتح بيبانا منردهاش

جايز نجاحنا يكسر جروحنا ونحب روحنا منظلمهاش

نملى حياتنا حب وفرحة ونكتر اعمالنا الصالحة

والدنيا حلوة والله حلوة مش ايام بتعدى ورايحة

الناجح يرفع ايدة

الحمد لله كما ينبغى لجلال وجهك ولعظيم سلطانك

الحمد لله نتيجى ظهرت والحمد لله ربنا كرمنى وجبت امتيااااز الحمد لله

اجمل شئ فى النجاح مش مجرد انك بتشوف تعبك ومجهودك وسهر الليالى ليه قيمة لاء

اجمل شئ فى النجاح انك تفرح اللى حواليك

انك وانت سهران وتعبان ومدقتش النوم بقالك اسبوع يبقى عندك حب واصرار انك تفرح اللى بيحبووك وتدخل الفرحة قلوبهم

وتهديهم نجاحك وتحاول بقدر الامكان تحافظ على النجاح دة

ودى اجمل لحظات النجاح بجد

الحمد لله رب العالمين :)

اهداء

لكل من اهداة الله صوتا جميلا

فاختار طريق الهدى وتغنى بحب الله

وامتعنا بقراة القران وكان سببا فى هداية كثير من الناس وبعدهم عن الاغانى

و حبهم لذكر الله

جزاكم الله كل خير :)

رب اجعلنى مقيم الصلاة ومن ذريتى

رب اجعلنى مقيم الصلاة ومن ذريتى ربنا وتقبل دعاء

وقفة مع النفس

وقفة مع النفس

حينما تتبعثر الاوراق

وتتلخبط الافكار

وتتغير الاهداف

ويتسلل الملل والكسل الى عقلك

وتشعر انك لست انت

اهدافك لسيت بالترتيب المطلوب

وحياتك لا تمشى كما تخطط لها

وحينما تشعر ان علاقتك الجميلة بمن حولك بدأت تهتز

واصبحت تغضب سريعا وتغضب من حولك

اصبحت تضيع وقتك ولا تحقق ما كنت ترغب به

فاجلس لحظات مع نفسك

لحظات تأمل وتفكير

هل وصلت لما ترغب به والى متى ستظل مشوش الافكار

والى متى ستكون شخصا اخر غير الذى بنيتة طوال حياتك؟

فكر فى ما مضى وفى العبر التى اخذتها من حياتك

حب كل مرحلة من حياتك وابدع فيها واستغلها اجمل استغلال حتى لا تندم عليها ابدا عندما تذهب

عد كما كنت وابدأ من جديد واجعلها بداية جميلة صادقة مع النفس

فالوقت ابدا لم يمر لكى لا تبدأ من جديد

حب الناس واخلص فى حبهم وتفوة باجمل الالفاظ واعذبها

ابتسم ففى ابتسامتك صدقة ونور وحب وهى مفتاح القلوب

ساعد الناس وكن معطاءا فلا تبخل بشئ فى سبيل اسعاد من حولك

اوجد لحظات جميلة مع نفسك تتذكر فيها اللحظات الجميلة فى حياتك

اترك همك للواحد الخالق هو اعلم بك وبحالك وتقرب منه وناجية ليلا

فما اجمل ان تكون فى شدة فتدعو ربك فى جوف الليل فتسمع صوتا جميلا داخلك ان دعاؤك قد استجاب وتحس بجمال حب الله والصدق فى التوبة وفرحة ربك بهذة التوبة

اعلم ان الله وضعك فى هذة الشدة لانة يحبك ولانه يريد ان يسمع دعاؤك

وان دوام الحال من المحال فكما ان السعادة لا تدوم فالحزن ايضا لا يدوم وعلينا تقبلة بكل رضا وحب وصبر

فاذا احب الله عبدا ابتلاة واشد الناس ابتلاءا هم الانبياء ثم الصالحون وهكذا

والحمد لله رب السماوات والارض

ما اقساكى

ما اقساكى من لحظات

ما اقساكى يا لحظات الانتظار

وما اقسى ان تنتظر خبر يتضمن حياة او موت شخص قريب جدا من نفسك عزيز عليها تتمنى لو تعطية عينيك ويشفيه الله ولم يكن متوقعا لة هذا المرض ابدا

وهذا حالى عندما عرفت لا يجف لى دمع ولا اصدق حتى الان ان حبيبتى واختى وصديقتى تتعرض لهذا المرض الفتاك واننا ننتظر لندرك ماهيتة وهل هو خطير؟؟؟؟؟؟

وما اقسى ان نتقلب لحظات فرحك الى لحظات مريضة قاسية عنيفة تجعلك تدور حول نفسك

وما اقسى ان تكتم سرا عن احد والكل يدرك انك سعيد وتتضطر ان تتظاهر بذلك و فى داخلك حزن شديد

ما اقسى ان افرح وحبيبتى حزيــــــنة يائسة تنتظر خبر العمر

وما ارحمك يا اله الكون على عبادك الضعفاء

ما ارحمك وما اقربك عندما تسمع دعواهم وآناتهم وحزنهم وتستجيب لهم

ما ارحمك وانت قلت انا عند حسن ظن عبدى بى فليظن عبدى بى ما شاء ويارب لا نظن فيك الا ظنا جميلا قويا صادقا انك ستكون معنا

وستنجى لى حبيبتى وانت تدرك وحدك انى احبها فيك يا ربى

فيا من تتقبل دعاء الاخ لاخية بظهر الغيب تقبل منى

تقبل دعائى يا كريم يا رحيم وارحمها وخفف عنها ما هى فيه واقلب حزننا لفرح جميل ورضا انك على ذلك قوى قدير

يا الله

لا تغضب

ما اقبح الغضب

وما اقبح ان تتذكر ما قلتة حين تغضب

فان غضبت لا تعرف ماذا تقول او ماذا تفعل

وهناك اناس يتحلون بالصبر وعدم الغضب وهناك اناس فطروا على ذلك

ولكن عليهم ان يتعلموا من المواقف ولا يذروها تمر هباءا دون اى استفادة حقيقية منها

وللاسف انك حين تغضب قد تقول كلاما او تفعل شيئا قد تندم عليه طوال حياتك

ولذلك قال رسولنا الكريم ( لا تغضب ) وان غضبت وكان لك الحق فكن قريبا سهلا لينا كما فى حديث نبينا الكريم

قال رسول الله صلى الله عليه وسلم: { ألا أخبركم بمن يحرُمُ على النار؟ - أو بمن تحرم عليه النار؟ - تحرم على كل قريب هينٍ لينٍ سهل } [ رواه الترمذي].

وكاظم الغيظ لة اجر كبير عند ربه وان حدث فى مرة ولم يكظم غيظة وغضب غضبا شديدا فليستغفر ربة وليندم على ما فعلة ويتعلم الا يغضب

قال رسول الله صلى الله عليه وسلم : { من كظم غيظاً وهو قادر على أن ينفذه، دعاه الله عز وجل على رؤوس الخلائق يوم القيامة حتى يخبره من الحور العين ما يشاء }[رواه ابو داود].

قال رسول الله صلى الله عليه وسلم : { ما تجرع عبد جرعة أفضل عند الله من جرعة غيظ يكظمها ابتغاء وجه الله تبارك وتعالى} [رواه ابن ماجه].

قال رسول الله صلى الله عليه وسلم : {علموا وبشروا ولا تعسروا، وإذا غضبت فاسكت، وإذا غضبت فاسكت، وإذا غضبت فاسكت } [رواه أحمد].

اجمل صدفة :)

الحمد لله كما ينبغى لجلال وجهك ولعظيم سلطانك يا الله

ساعات بتحصل صدف جميلة اوى اوى بتعرفنى انى قريبة من ربنا وانه كريم ورحيم

يعنى مثلا لما اكون بقرأ فى ايه من القران القيها بتتقرأ فى نفس اللحظة او بعدها بشوية فى الاذاعة والكلام دة مش مرة او اتنين انا الحمد لله بقالى خمس سنين بيحصل لى كدة من الايام الثانوية

والاجمل انى لما بقرأ ايه واكون مش عارفه تفسيرها اول ما بسمع القينى سمعت تفسيرها فى الراديو او التلفزيون او من والدى حتى (سبحان الله )

وكمان لما يكون نفسى فى حاجة ومبطلبهاش الاقيها تجيلى بعد لما افكر فيها على طووول من غير حتى حد يعرف انى عايزاها

ولما الاقينى مقصرة فى حق ربنا فى صلاة او عبادة الاقينى اسمع حلقة مع شيخ فى التليفزيون او فى الراديو عن اهمية وجمال العبادة دى

بجد الحمد لله كما ينبغى لجلال وجهك وعظيم سلطانك وربنا يديم النعمة دى عليا وعلى المسلمين اجمعين يارب

ويثبت قلوبنا على الايمان بيه

امى فلسطين

http://www.youtube.com/watch?v=1SS1JGq1kKY

امى فلسطين لا تأسى ولا تهنى انا سنفديك من شيب وشبان

عن النجاح

لا تدع الفرصة لاحد مهما كان حتى لو كان عقلك انت ان يزعزع ثقتك بنفسك وقدرتك على الاستمرار وتحقيق الهدف

فقط تأكد انك على الطريق الصحيح وتوكل على الله

حدد اهداف قوية واضحة لا يدخل فى تكوينها اشخاص بل تكون معتمدة عليك انت لا على غيرك او حتى على اشخاص

تنتظر دخولهم فى حياتك

انت صاحب قرار التفوق ان قررت فى اعماق ذاتك واقتنعت بقدراتك سوف تنجح بالتأكيد وسوف يتعجب الاخرين من هذا النجاح

ضع هدفك امام عينيك وكن مؤمنا بهدفك وتراة بعينيك امامك وتأكد انه سوف يحقق وانك فى طريقك الى تحقيقة
ان كنت لا تعلم اين انت او ماذا تريد فهذة هى المصيبة الكبرى فقط حدد اهدافك اولا وقبل اى شئ اهداف يمكن تحقيقها على المدى القريب هى التى ستوصلك الى الاهداف البعيدة الجميلة

دع لنفسك الفرصة فى التأمل فى ما مضى من حياتك وفى عظات وعبر الحياة
اعلم قيمة وقتك وان كل دقيقة من عمرك محسوبة عليك وانها قد تكون سببا فى نجاحك او فشلك فالوقت معيار مهم جدا فى النجاح

جدد من ذاتك ولا تقلل من اهميتها وحب نفسك حب عقلك واعمل على تغذيتة وعلى منحة القوة والابداع

نقى قلبك كل يوم قبل ان تنام من كل كرة او حقد او ضغينة لاحد مهما كان

كن جميلا فى افعالك وتصرفاتك وحب الناس حبا صادقا كى يبادلونك هذا الحب بدون اى مقابل

من اهم المقولات التى تتردد فى ذهنى منذ الحرب على غزة هى اننا نريد ان نكون جميعا امة متقدمة وانك لابد ان تكون حريص على مستقبل زميلك واخيك واننا نريد ان نكون جميعا اقوياء مثقفين

فلا تخبى علما على احد ولا تبخل بمجهودك على احد هذا العلم وهذا المجهود سوف يردة الله لك سواء فى توفيق او فى دعوة يدعيها لك اخ بظهر الغيب او بحب الناس لك وعلاقتك الجميلة مع كل الافراد

كن ودودا ذو علاقات جيدة وقوية مع كل الناس بلا استثناء فبالتأكيد هناك مساحة مشتركة بينك وبين اى شخصية اخرى يمكن ان تجمعكم

وفى النهاية النجاح لا يأتى ابدا صدفة

والملتفت لا يصل

والنجاح له طعم جميل سواء فى اسعادك او اسعاد من حولك عندما ترى الفخر والفرحة والحب فى عيونهم وان تعبهم معك لم يضع هباءا فهذة هى اجمل لحظات النجاح

دينا :)

ادفع بالتى هى احسن السيئة

" وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ أَحْسَنُ , فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ " .

هذة الاية تفسر معانى جميلة كثيرة

وكثيرة هى المواقف التى تعاملت بهذة الاية فيها والحمد لله تحسنت العلاقات بشكل جميل

فاذا شعر الانسان الذى امامك انة رغم كل المشاكل وفى بعض الاحيان الاهانات والتقصير انك عفوت عنه وقررت البدء من جديد بدون اى احساسيس بالضغينة والكره لهذا الانسان مع التاكيد انك تحبة

قد يكون فى بداية الامر ليس متحمسا او حتى لا يصدق ولكنك اذا استمررت فى دفع السيئة بالحسنة والقول السئ بالقول الجميل الصادق

الذى يذيب القلوب فبالتاكيد سوف يتغير هذا الانسان

ولى تجربة فى هذا الامر فخورة بها كان لى صديقة وكانت ذو طباع حادة بعض الشئ والحمد لله بالاستمرار على تطبيق هذة الاية تغيرت زميلتى كثيرا

واصبحت انسانة اخرى جميلة بعدما تاكدت ان الشئ الوحيد الباقى لنا هو الكلمات الطيبة وحبنا الصادق لبعضنا البعض

فسبحانك يا خالق القلوب ومقلبها بين يديك

وثيقة

وثيقة

عندما رأيت هذة الوثيقة  راجعت نفسى وفى استمرارى التعامل مع البضائع التى تقوى اتقصادهم

اريد ان اتذكر دائما الحرب وان العدو لايرحم وانة فى كل ثانية تمر علينا تنزف فلسطينا دما عربيا مسلما غاليا علينا اريد ان اطبق هذة الوثيقة فعلا فى كل حياتى  

اعنى يا الهى ان اتذكر دائما واجعل كل حياتى خالصة لوجهك الكريم وارزقنى الذرية الصالحة التى تحرر اراضينا وتنشر دينك الحنيف وتجعلنا نرفع رؤؤسنا مرة اخرى  

يا الله

ماكيت ديكور مسرررررح

ماكيت ديكور مسرح

دى مادة عندنا اسمها ديكور مسرح بناخدها سنة اولى وتانية وفى 3 و 4 بناخد ديكور تلفيزيون وسينما

انا بصراحة لا بحب المسرح ولا ديكور المسرح بس اهى مادة ولازم ناخدها  

اول مشروع كان مطلوب مننا نجيب اى نص مسرحى بالوصف بتاعه ونعمل الديكور بتاعه

انا طبعا لانى بعشق الفن الاسلامى دورت على نص فى العصر الاسلامى وكانت رواية ابى جعفر المنصور

والحمد لله عملت مشورع جامد جداااااا الحمد لله

وبعدين فى تانى مشروع كان عن فيلم المصير نعملة ديكور مسرح مش عارفة ازاى بس هو برضة طراز عربى وانا طبعا بمووووووت فى الطراز العربى والاسلامى فالحمد لله برضة عملت مشروع حلو اوى واختارتة الدكتورة اننا نعملة ماكيت

وكانت المشكلة طبعا كانت ماكيت كبيييييير ومحتاج وقت وجهد قعدت فيه 3 ايام مش بنام انا والجروب اللى كنا فيه واستضفت البنات فى بيتنا لمدة يومين وطبعا كنا بنروح الساعة 12 بالليل من الكلية محدش يسألنى ازاى طبعا كنت ببقى مش مصدقة ان الساعة  والكلية اصلا بتبقى مليانة ناس انا بجد مكنتش اعرف ان الكلية للدرجة دى الناس بتقعد فيها لمتأخر لانى عمرى متأخرت وانا ماشية فى الشارع بس فى الاخر الحمد لله طلع ماكيت جمييل ودى صوووووورتة

والحمد لله خلصنااااااااااا

لقد علمتنى الحياة بأنى

لقد علمتنى الحياة بأنى 

لقد علمتنى الحياة بأنى امر عليها مرة فى الزمان فان كنت اعرف  ربى ودربى نجوت وفزت ونلت الجنان

لقد علمتنى الحياة بأنى مزيج تراب وروح وماء وانى ضعيف اذا كنت وحدى وانى قوى برب السماء

لقد علمتنى الحياة بأنى فتى عابر فى الربا والحقول وفقلت وماذا اكون اجابت الا فلتكن كالربيع الجميل 

لقد علمتنى الحياة بالا اطأطأ رأسى للنائبات وان احتمى فى ظلال اليقين وبالصبر عند الاسى والصلاة 

لقد علمتنى وقد علمتنى 

لقد علمتنى الحياة بأنى امر عليها مرة فى الزمان فان كنت اعرف ربى ودربى نجوت وفزت ونلت الجنان

لقد علمتنى الحياة التفاؤل فى كل حال وفى كل حين وان التشاؤم ليس يحل بقلب فتى عامر باليقين

لقدعلمتنى الحياة الصفاء وقد علمتنى الحياة العطاء فامسيت للحب وصرت اجود بعمرى كينبوع ماء

لقد علمتنى الحياة بأنى امر عليها مرة فى الزمان 

  

قال الامام الشافعى

السلام عليكم ورحمة الله وبركاته 

قصيدة مؤثرة جداً ذات معاني بليغه 

اترككم مع تلك الابيات 

عليك بتقوى الله ان كنت غافلا -------- يأتيك بالأرزاق من حيث لا تدري 

فكيف تخاف الفقر والله رازقا --------- فقد رزق الطير والحوت في البحر

ومن ظن أن الرزق يأتي بقوة ---------- ما أكل العصفور شيئا مع النسر

تزول عن الدنيا فإنك لا تدري ------ إذا جن عليك الليل هل تعيش إلى الفجر 

فكم من صحيح مات من غير علة ------ وكم من سقيم عاش حينا من الدهر 

وكم من فتى أمسى وأصبح ضاحكا ---- وأكفانه في الغيب تنسج وهو لا يدري 

وكم من صغار يرتجى طول عمرهم ------- وقد أدخلت أجسامهم ظلمة القبر

وكم من عروس زينوها لزوجها ---------- وقد قبضت أرواحهم ليلة القدر

فمن عاش ألفا وألفين -----------------فلا بد من يوم يسير إلى القبر 

وهي للامام الشافعي

حال البلد

حال البلد

نمضى بلا رؤية  بلا هدف

حليمة

حليمة

نقلا عن مدونة يالاللى

حليمة العام الماضى بالقاهرة

حليمة العام الماضى بالقاهرة

حليمة يعد أستشهاداها

حليمة

وصلتنى هذه الرسالة من الاستاذة هانم طوبار تدعو الجميع بنشر هذا الموضع برجاء لجميع المدونيين النشر

حليمة طفلة فلسطينية جميلة بريئة
جاءت الى مصر منذ عام وظلت بها اسبوعين
كل من راها احبها
كانت تزور شقيقها الذى يعالج فى المستشفيات المصرية
اخذت لها الصورتان الاولتان فى مصر العام الماضى

حليمة
اغتالتها يد العدوان هى وجميع افراد اسرتها
وهاهى صورة جثتها بعد ان قتلت اليهود براءتها

افضحوهم وافضحوا افعالهم



هانم طوبار

ولا حول ولا قوة الا بالله العلى العظيم