السماح والعند

العند يورث الكفر

  من اسواء الصفات اللى ممكن تكون فى الانسان هى العند والتمسك بالرأى ومن افضلهم السماح

وللاسف لما بيكون الانسان عنيد ومش راضى يتنازل عن حقة الشيطان بيدخل بين الاتنين و يحط فى دماغ الانسان العنيد دة افكار وكلام مش صحيح بالمرة ويبقى الشيطان فرحان وسعيد انة فرق بين اتنين 

وعلشان كدة قال رسولنا الكريم عليه افضل الصلاة والسلام 

" لا يصح لمسلم ان يهجر اخاة فوق ثلاث ليال يعرض هذا ويعرض هذا وخيرهما الذى يبدأ بالسلام" 

ومن الافضل ان صاحب الحق هو اللى يبدأ بالسلام ويعفو عن اللى ارتكب اى غلط فية لان المبادر دائما هو الأقوى لأن المبادر متسامح ، والتسامح سمة الأقوياء الواثقين 

يعنى مش معنى انى  اسامح حد او اتنازل عن بعض حقوقى يبقى انا الضعيف ودة اعتراف منى بدة

لان مش شرط علشان اكون انا صح تكون انت غلط 

والانسان المتسامح بتبقى نيتة صافية وحياتة سعيدة ونفسة راضية لانة مش شايل فى قلبة اى مكروة او زعل لحد وكمان شعور انك تكون الاقوى وتعفو عن المخطئ فى حقك شعور رااائع جدا

وفى الاخر العند نهايتة طريق مسدود ونفس غير راضية 

وربنا يرزقنا القدرة على التسامح وقلب ابيض مش بيشيل حقد او زعل من حد